អ្នកផលិតមាតិកា និងជាអ្នក Influencer ល្បីៗចម្រុះជាតិសាសន៍ បានសន្យាថា នឹងខិតខំប្តេជ្ញារួមគ្នាផ្សព្វផ្សាយពីកម្ពុជាទៅសហគមន៍អន្តរជាតិ ។ ពួកគេទាំងនេះ ត្រូវបានក្រសួងទេសចរណ៍អះអាងថា គឺមកពីអាមេរិក…
អ្នកផលិតមាតិកា និងជាអ្នក Influencer ល្បីៗចម្រុះជាតិសាសន៍ បានសន្យាថា នឹងខិតខំប្តេជ្ញារួមគ្នាផ្សព្វផ្សាយពីកម្ពុជាទៅសហគមន៍អន្តរជាតិ ។ ពួកគេទាំងនេះ ត្រូវបានក្រសួងទេសចរណ៍អះអាងថា គឺមកពីអាមេរិក បារាំង អង់គ្លេស ចិន ហ្គាណា និងនីហ្សេរីយ៉ា ។
ក្រសួងទេសចរណ៍បានប្រកាស កាលពីថ្ងៃទី០៧ ខែតុលា ឆ្នាំ២០២៥ថា ពួកគេទាំងនោះ គឺសុទ្ធតែជាអ្នកដែលស្រលាញ់ និងសម្រេចចិត្តរស់នៅកម្ពុជា។
លោក ហួត ហាក់ រដ្ឋមន្ត្រីក្រសួងទេសចរណ៍បានអរគុណពួកគេ និងលើកទឹកចិត្ត ឲ្យពួកគេបន្តការចូលរួមចំណែកដ៏សកម្មលើការផលិត និងចែករំលែកមាតិកាល្អៗពីកម្ពុជា និងសក្តានុពលទេសចរណ៍កម្ពុជាកន្លងមកដល់ប្រជាជននៅប្រទេសកំណើតរបស់ខ្លួន និងប្រជាជនពិភពលោកទាំងមូល ។
នេះ គឺជាកិច្ចខិតខំប្រឹងប្រែងមួយ ស្របពេលដែលមានរបាយការណ៍ថា នៅក្នុងរយៈពេល៨ ខែនៃឆ្នាំ២០២៥ នេះភ្ញៀវទេសចរបរទេសមកលេងនៅកម្ពុជាបានត្រឹម៤,០៥លាននាក់ ធ្លាក់ចុះប្រមាណជា៥,៦ ភាគរយ ។
តាមស្ថិតិភ្ញៀវទេសចរធំៗដែលចូលមកកម្ពុជា លើកលែងតែចិន បារាំង និងអង់គ្លេស គឺសុទ្ធតែមានការធ្លាក់ចុះគួរឲ្យកត់សម្គាល់ ៕
ចែករំលែកព័តមាននេះ