ឥណ្ឌានៅពេលនេះ បានកំពុងតែក្លាយជាគោលដៅទេសចរណ៍សុខភាពមួយដ៏ចម្បងរបស់ពលរដ្ឋខ្មែរ ជាពិសេស គឺសម្រាប់អ្នកដែលស្វែងរកការព្យាបាលជំងឺធ្ងន់លើផ្នែកថ្លើម និងគ្រលៀន ។ លោកស្រី ហ៊ុន ស៊ីណាត ប្អូនស្រី…
ឥណ្ឌានៅពេលនេះ បានកំពុងតែក្លាយជាគោលដៅទេសចរណ៍សុខភាពមួយដ៏ចម្បងរបស់ពលរដ្ឋខ្មែរ ជាពិសេស គឺសម្រាប់អ្នកដែលស្វែងរកការព្យាបាលជំងឺធ្ងន់លើផ្នែកថ្លើម និងគ្រលៀន ។
លោកស្រី ហ៊ុន ស៊ីណាត ប្អូនស្រី សម្តេចតេជោ ហ៊ុន សែន ហើយជាអ្នកដែលល្បីនៅក្នុងពិភពបណ្តាញសង្គមមួយរូបបានអះអាងនៅលើទំព័រគណនីហ្វេសប៊ុករបស់លោកស្រី នៅថ្ងៃទី០៨ ខែតុលា ឆ្នាំ២០២៥ថា លោកស្រីបានជួបពលរដ្ឋខ្មែរច្រើននៅឥណ្ឌា។
លោកស្រី បានអះអាងថា ពេលធ្វើដំណើរទៅសួរសុខទុក្ខប្អូនថ្លៃនៅទីក្រុងញូវដេលី បានជួបពលរដ្ឋខ្មែរច្រើនដែលមកព្យាបាលគ្រលៀន និងថ្លើម ។
បុគ្គលិកក្រុមហ៊ុនទេសចរណ៍ម្នាក់បានអះអាងថា នៅពេលនេះ ពលរដ្ឋកម្ពុជាយើងទៅព្យាបាលនៅឥណ្ឌាច្រើនមែន ។
លោកបានបញ្ជាក់ដោយមិនបញ្ចេញអត្តសញ្ញាណថា «ឥណ្ឌាល្បីរឿងគ្រលៀន និងថ្លើមយូរហើយ គ្រាន់តែពីមុនខ្មែរយើងទៅថៃ ដោយសារតែវាជិតស្រុក ប៉ុន្តែពេលនេះពួកគេទៅឥណ្ឌាច្រើន »។
លោកបានបន្តថា ក្រៅពីទេសចរណ៍សាសនា ឥឡូវឥណ្ឌាក្លាយជាគោលដៅទេសចរណ៍សុខភាពមួយទៀតរបស់ពលរដ្ឋកម្ពុជា ៕
ចែករំលែកព័តមាននេះ