ទីក្រុងតូក្យូ៖ ខ្យល់ព្យុះទីហ្វុងឈ្មោះហាឡុង (Halong) ចាប់ផ្ដើមបក់ទៅដល់កោះអ៊ីហ្ស៊ូ (Izu) ប្រទេសជប៉ុន ជាបណ្ដើរៗហើយនៅថ្ងៃព្រហស្បតិ៍នេះ ហើយបានបង្កជាភ្លៀងធ្លាក់ខ្លាំងលាយខ្យល់កន្ត្រាក់។ ក្រសួងឧតុនិយមជប៉ុនបានចេញសេចក្ដីប្រកាសឱ្យប្រជាជនប្រុងប្រយ័ត្នខ្ពស់ចំពោះខ្យល់បក់ខ្លាំង និងរលកសមុទ្រខ្ពស់ៗដែលកើតឡើងនៅប្រជុំកោះនេះ។…
ទីក្រុងតូក្យូ៖ ខ្យល់ព្យុះទីហ្វុងឈ្មោះហាឡុង (Halong) ចាប់ផ្ដើមបក់ទៅដល់កោះអ៊ីហ្ស៊ូ (Izu) ប្រទេសជប៉ុន ជាបណ្ដើរៗហើយនៅថ្ងៃព្រហស្បតិ៍នេះ ហើយបានបង្កជាភ្លៀងធ្លាក់ខ្លាំងលាយខ្យល់កន្ត្រាក់។ ក្រសួងឧតុនិយមជប៉ុនបានចេញសេចក្ដីប្រកាសឱ្យប្រជាជនប្រុងប្រយ័ត្នខ្ពស់ចំពោះខ្យល់បក់ខ្លាំង និងរលកសមុទ្រខ្ពស់ៗដែលកើតឡើងនៅប្រជុំកោះនេះ។
អ៊ីហ្ស៊ូស្ថិតនៅភាគខាងត្បូងកោះហុងស៊ូ (Honshu)។ អាជ្ញាធរបានស្នើឱ្យប្រជាជនប្រញាប់ជម្លៀសខ្លួនចេញពីគ្រោះថ្នាក់។ ពួកគេថែមទាំងព្រមានផងដែរថាខ្យល់បក់លើកនេះមានកម្លាំងខ្លាំង ផ្ទះល្មមៗអាចនឹងបាក់រលំ។ អ្នករស់នៅតំបន់ប្រឈមនឹងខ្យល់ព្យុះត្រូវអាជ្ញាធរជូនដំណឹងឱ្យរិះរកគ្រប់វិធីទាំងអស់ដែលអាចទៅរួចដើម្បីការពារសុវត្ថិភាពរបស់ខ្លួន។
ខ្យល់បក់ខ្លាំង និងរលកសមុទ្រខ្ពស់ៗខុសពីធម្មតាក៏នឹងកើតមាននៅលើកោះហាឈីចូ (Hachijo) និងភូមិចំនួន៦ផងដែរ។ ទីភ្នាក់ងារឧតុនិយមថ្លែងថាគិតត្រឹមម៉ោង១០ព្រឹកនេះ ព្យុះហាឡុងស្ថិតនៅលើផ្ទៃសមុទ្រកោះហាឈីចូជីម៉ា ( Hachijojima) និងបក់ឆ្ពោះទៅភាគខាងកើត និងឦសាននៅក្នុងល្បឿន៣០គីឡូម៉ែត្រក្នុងមួយម៉ោង។ នៅភាគខាងត្បូងប្រជុំកោះនេះ គេឃើញថាមានផ្ទាំងពពកក្រាស់ឃ្មឹក។ គេព្យាករថានៅលើកោះហាឈីចុ និងតំបន់ជិតខាងនោះនឹងទទួលបានរបបទឹកភ្លៀងលើសពី១២០មិល្លីម៉ែត្រ។
នៅលើកោះអ៊ីហ្ស៊ូ ខ្យល់ព្យុះអាចនឹងមានល្បឿន១៨០គីឡូម៉ែត្រក្នុងមួយម៉ោង ហើយអាចបង្កើនល្បឿនអតិបរមាដល់២៥០គីឡូម៉ែត្រក្នុងមួយម៉ោង។ ដូច្នេះផ្ទះល្មមៗមិនអាចទប់ទល់នឹងកម្លាំងបោកបក់នេះបានទេ។ កោះនេះអាចនឹងទទួលបានរបបទឹកភ្លៀង១៨០មិល្លីម៉ែត្រនៅក្នុងរយៈពេល២៤ម៉ោងចាប់ពីពេលនេះរហូតដល់ព្រឹកថ្ងៃសុក្រស្អែក។ នេះបើយោងតាមការផ្សាយរបស់អឹនអេចខេ (NHK) និងប្រភពដទៃទៀត៕
ចែករំលែកព័តមាននេះ