តាមប្រភពពីMetro បានឱ្យដឹងថា បុរសអាយុ៣៤ឆ្នាំម្នាក់ បានឡើងទម្ងន់ដល់៣១៧គីឡូក្រាម ក្រោយពីស៊ីដេក និងលេងហ្គេម បូកផ្សំជាមួយកត្តាតំណរពូជផងដែរ ។ រូបគេបានតាំងចិត្តថា នឹងបន្តស៊ីដេកតទៅទៀតរហូតដល់ថ្ងៃស្លាប់។
Casey King តែងតែក្រោកពីដេកនៅម៉ោងបាយថ្ងៃត្រង់ ហើយរកអីដាក់ចូលក្រពះ មុននឹងចាប់ផ្តើមលេងហ្គេមលើទូរទស្សន៍ ។ គេខ្ជិលដល់ថ្នាក់ថា មិនស្លៀកពាក់អ្វីទាំងអស់ ហើយសំងំនៅតែក្នុងបន្ទប់ចាក់សោមិនឱ្យមានអ្នកចេញ-ចូល ។ ដោយយកលេសថា នៅរដ្ឋ Georgia ក្តៅពេក ទើបមិនស្លៀកពាក់បែបនេះ ។
មូលហេតុ ដែលបុរសទម្ងន់យក្សគ្មានការងារធ្វើម្នាក់នេះ មិនចេញទៅក្រៅរកការងារធ្វើ ហើយគិតតែពីលេងហ្គេមឱ្យឪពុកចិញ្ចឹម គឺមកពីរូបគេខ្លាចការរើសអើងពីអ្នកដទៃ ។ គេយល់ថា មានតែក្នុងហ្គេមទេ ទើបអាចឱ្យមនុស្សរាប់អានគេដោយមិនប្រកាន់បាន ។
Casey តែងតែជាក្មេងធំជាងគេជានិច្ច កាលពីនៅតូច។ រូបគេចាប់ផ្តើមឡើងគីឡូលឿនដូចព្យុះ នៅពេលចេញធ្វើការនៅភោជនីយដ្ឋាន ព្រោះតែហូបរហូត មិនចេះគិត។ គេគ្មានគម្រោងនឹងបញ្ចុះទម្ងន់នោះទេ ហើយនឹងបន្តជីវិតបែបនេះរហូតថ្ងៃស្លាប់ ។
ចែករំលែកព័តមាននេះ