សហរដ្ឋអាមេរិក-រុស្ស៊ី ៖ ក្រុងមូស្គូប្រកាសនាថ្ងៃទី៥មករាថា ជនជាតិរុស្ស៊ីម្នាក់លោកឌីមីទ្រីម៉ាការេនកូ ត្រូវបានភ្លាក់ងារសន្តិសុខអាមេរិកចាប់ខ្លួន ក្រោយរុស្ស៊ីចាប់ខ្លួនលោកPAUL WHENLAN អតីតទាហានម៉ារីនអាមេរិកកាត់អង់គ្លេសម្នាក់ ដោយចោទថាធ្វើចារកម្មមក។ ក្នុងសេចក្ដីប្រកាសមួយក្រសួងការបរទេសរុស្ស៊ីថ្លែងថា…
សហរដ្ឋអាមេរិក-រុស្ស៊ី ៖ ក្រុងមូស្គូប្រកាសនាថ្ងៃទី៥មករាថា ជនជាតិរុស្ស៊ីម្នាក់លោកឌីមីទ្រីម៉ាការេនកូ ត្រូវបានភ្លាក់ងារសន្តិសុខអាមេរិកចាប់ខ្លួន ក្រោយរុស្ស៊ីចាប់ខ្លួនលោកPAUL WHENLAN អតីតទាហានម៉ារីនអាមេរិកកាត់អង់គ្លេសម្នាក់ ដោយចោទថាធ្វើចារកម្មមក។
ក្នុងសេចក្ដីប្រកាសមួយក្រសួងការបរទេសរុស្ស៊ីថ្លែងថា លោកឌីមីទ្រីម៉ាការេនកូត្រូវភ្នាក់ងារFBIអាមេរិកចាប់ តាំងពីថ្ងៃទី២៩ធ្នូមកនៅប្រជុំកោះMARIANNESខាងជើង នាភាគខាងជើងកោះហ្គាម ក្នុងមហាសមុទ្រប៉ាស៊ីហ្វិកហើយបញ្ជូនមកកាន់រដ្ឋផ្លរីដា។
ក្រសួងនោះនិយាយថាលោកឌីមីទ្រីម៉ាការេនកូកើតក្នុងឆ្នាំ១៩៧៨ បានមកដល់កោះSAIPANជាមួយភរិយា កូនតូចៗនិងឪពុកម្ដាយដែលមានវ័យចំណាស់។ លោកត្រូវចាប់ខ្លួនដោយភ្នាក់ងារFBIពេលទៅដល់ព្រលានយន្តហោះ។
ក្រុងមូស្គូនិយាយថារង់ចាំការពន្យល់របស់ក្រុងវ៉ាស៊ិនតោន លើមូលហេតុនៃការចាប់ខ្លួននេះ ដែលពុំអាចអះអាងក្នុងពេលភ្លាមៗពីអាជ្ញាធរអាមេរិកដែលទាក់ទិន។ យោងតាមឯកសារបញ្ជូនទៅតុលាការស្រុកមួយនៃរដ្ឋផ្លរីដាថា លោកម៉ាការេនកូ ជាប់ការចោទប្រកាន់កាលពីខែមិថុនាឆ្នាំ២០១៧ថា លក់បណ្ដាឧបករណ៍ការពារក្នុងនោះមានវ៉ែនតាពាក់មើលឃើញពេលយប់ បញ្ជូនពីអាមេរិកទៅកាន់ រុស្ស៊ីដោយគ្មានការអនុញ្ញាតរបស់អាជ្ញាធរអាមេរិក។
លោកម៉ាការេនកូដែលរស់នៅវ្ល៉ាឌីវ៉ូស្តុក ត្រូវបានតុលាការអាមេរិកប្រកាសថា រត់គេចខ្លួនកាលពីខែមិថុនាឆ្នាំ២០១៨។ ចំណែកអ្នករួមគំនិត លោកវ្ល៉ាឌីមៀរនេវីដូមីត្រូវជាប់ចោទក្នុងរឿងនោះដែរ កាលពីខែមករាឆ្នាំ២០១៨ ហើយទទួលការកាត់ទោសដាក់គុក២៦ខែ។
អនុរដ្ឋមន្ត្រីការបរទេសរុស្ស៊ីលោកស័រហ្គេយរីយ៉ាបកូវ បដិសេធគំនិតនៃការប្ដូរគ្នារវាងលោកPAUL WHENLANនិងនាងម៉ារីយ៉ាប៊ូទីណា ជាយុវនារីរុស្ស៊ីម្នាក់ជាប់ឃុំឃាំងនៅសហរដ្ខអាមេរិក ពីបទស្វែងរកជ្រៀតចូល ក្នុងបណ្ដាអង្គការអាមេរិក យកការណ៍ឲ្យក្រុងមូស្គូ ជាគំនិតលើកកាលពីសប្ដាហ៍មុនដោយបណ្ដាអ្នកទទួលខុសត្រូវអាមេរិក៕
ចែករំលែកព័តមាននេះ