ទីបំផុត! ចៅក្រុមស៊ើបសួរសម្រេចហើយ រឿងថៅកែ «ឌែម៉ូគ្លីនិក» (វីដេអូ)
- ភ្នំពេញ
រាជធានីភ្នំពេញ ៖ ទីបំផុតលោក ម៉ុង មុនីសោភា ចៅក្រមស៊ើបសួរសាលាដំបូងរាជធានីភ្នំពេញ នាម៉ោង២និង១៥នាទីរសៀល ថ្ងៃទី៥ មករា បានសម្រេចឃុំខ្លួនអ្នកស្រី…
រាជធានីភ្នំពេញ ៖ ទីបំផុតលោក ម៉ុង មុនីសោភា ចៅក្រមស៊ើបសួរសាលាដំបូងរាជធានីភ្នំពេញ នាម៉ោង២និង១៥នាទីរសៀល ថ្ងៃទី៥ មករា បានសម្រេចឃុំខ្លួនអ្នកស្រី ហូវ ដាណេ ថៅកែមជ្ឍមណ្ឌលកែសម្ផស្ស «ឌែម៉ូគ្លីនិក» និងស្ត្រីឈ្មោះ ពៅ ស៊ីណាត ជាអ្នកគ្រូពេទ្យជំនាញខាងដេរប្រដាប់ភេទអតិថិជន ដាក់ពន្ធនាគារ (ប៉េហ្សី) ជាបណ្តោះអាសន្ន ។ ចៅក្រមស៊ើបសួរសម្រេចឃុំខ្លួនអ្នកស្រីទាំងពីរនាក់ខាងលើ យោងតាមការចោទប្រកាន់ពីសំណាក់ស្ថាប័នអយ្យការ ។
គួរបញ្ជាក់ថា កាលពីម៉ោង១០និង១០នាទីព្រឹកថ្ងៃទី០៤ មករា ត្រូវកម្លាំងសមត្ថកិច្ចកងរាជអាវុធហត្ថលើផ្ទៃប្រទេស បញ្ជូនទៅកាន់សាលាដំបូង ពាក់ព័ន្ធលើបណ្តឹងថា បានគំរាមបង្ហោះរូបភាពដេរប្រដាប់ភេទអតិថិជនលើសង្គមហ្វេសប៊ុកជាថ្នូរនឹងការទាមទារប្រាក់រាប់ម៉ឺនដុល្លារអាមេរិក ។
សំណុំរឿងនេះស្ថិតនៅដៃលោក សឿន មុនីរ័ត្ន ព្រះរាជអាជ្ញារងនៃអយ្យការអមសាលាដំបូងរាជធានីភ្នំពេញធ្វើការសាកសួរ ។ នៅរសៀលនោះតំណាងអយ្យការសម្រេចធ្វើការចោទប្រកាន់ជាផ្លូវការ និងរៀបចាត់បញ្ជូនទៅចៅក្រមស៊ើបសួរ ដើម្បីសម្រេចឃុំខ្លួនដាក់ពន្ធនាគារជាបណ្តោះអាន្ន ។
តំណាងអយ្យការបានចោទប្រកាន់អ្នកស្រី ហូវ ដាណេ ថៅកែមជ្ឍមណ្ឌលកែសម្ផស្ស «ឌែម៉ូគ្លីនិក និងស្ត្រីឈ្មោះ ពៅ ស៊ីណាត ជាគ្រូពេទ្យជំនាញដេរប្រដាប់ភេទចំនួន៣បទល្មើស សុទ្ធតែជាបទល្មើសព្រហ្មទណ្ឌ ។
បទល្មើសទី១-បទប៉ះពាល់ដល់សិទ្ធិខាងរូបភាពនៃបុគ្គល តាមមាត្រា៣០២ នៃក្រមព្រហ្មទណ្ឌ ។ បទល្មើសទី២-បទកំហែងយក តាមមាត្រា៣៦៣ និងមាត្រា៣៦៤ នៃក្រមព្រហ្មទ័ណ្ឌ និងបទល្មើសទី៣-បទការគំរាមកំហែងហែកកេរ្ត៍ តាមមាត្រា ២៧២ និង មាត្រា២៧៣ នៃ ក្រមព្រហ្មទណ្ឌ ។
គួររំលឹកថា កាលពីវេលាម៉ោង១០ និង១០នាទីព្រឹកថ្ងៃទី០៤ មករា ត្រូវបានកម្លាំងសមត្ថកិច្ចកងរាជអាវុធហត្តលើផ្ទៃប្រទេស បានបញ្ជូនទៅកាន់សាលាដំបូងរាជធានីភ្នំពេញ ពាក់ព័ន្ធលើបណ្តឹងថា «បានគំរាមបង្ហោះរូបភាពដេរប្រដាប់ភេទអតិថិជននៅលើបណ្តាញសង្គមហ្វេសប៊ុក ជាថ្នូរការទាមទារប្រាក់រាប់ម៉ឺនដុល្លារអាមេរិក ។
ព័ត៌មានលំអិតនឹងមានផ្សាយជូនលើកាសែតកោះសន្តិភាព
ចែករំលែកព័តមាននេះ