សេចក្តីសុខមិនមែនចេះតែបានមក រត់រកយើងដោយងាយៗនោះទេ តែគឺគេបានមកអំពីការចេះសិក្សាអប់រំត្រឹមត្រូវតាមសេចក្ដីពិតនៃជីវិតផ្នែកផ្លូវអារម្មណ៍ ចេះឲ្យអភ័យដល់សព្វសត្វ និងចេះគិតរកចំណុចល្អៗមកទុកដាក់ក្នុងខ្លួន ដើម្បីសេចក្ដីសុខស្ងប់នៃចិត្ត ។
រឿងរ៉ាវដែលយើងជួបប្រទះរាល់ថ្ងៃនេះគឺមានសព្វបែបយ៉ាងទាំងចំណុចល្អ និងអាក្រក់ តែបើយើងមិនចេះចម្រាញ់ មិនចេះអប់រំចិត្តរើសរកចំណុចល្អដើម្បីឲ្យបានសុខខ្លួនឯងទេ យើងនឹងកើតទុក្ខរាល់ថ្ងៃ។ យើងតែងស្វែងរករបស់ដែលមានតម្លៃថ្លៃៗនៅខាងក្រៅខ្លួន ហើយបែរជាបណ្ដោយឲ្យខ្លួនឯងកើតទុក្ខព្រោះតែការចង់បាននោះទៅវិញ បើតែបែបនេះនឹងមានសេចក្តីសុខមកពីណា ។
ទោះជាយ៉ាងណាក៏ដោយបើយើងព្យាយាមស្វែងរកឱ្យឃើញនូវតម្លៃនៃជីវិតខ្លួនឯង នៅត្រង់ការឈ្នះសេចក្ដីទុក្ខនោះ ជីវិតយើងនឹងបានរស់នៅដោយសេចក្ដីសុខ ជាមួយនឹងអារម្មណ៍ស្ងប់ត្រជាក់ ចិត្តស្ងប់ល្អទើបជាសុខពិតប្រាកដ ។
ចែករំលែកព័តមាននេះ