ខេត្តមណ្ឌលគិរី ៖ ស្ត្រីពីរនាក់នាំគ្នាទៅរកត្រីដើម្បីធ្វើម្ហូប បែរជួបគ្រោះអកុសលរអិលជើងបណ្តាលឱ្យស្លាប់ម្នាក់ បានបង្កការភ្ញាក់ផ្អើលក្នុងភូមិនៅវេលាម៉ោង៣រសៀលថ្ងៃទី៤ មករា នៅក្រោយបន្ទាយកងអនុសេនាធំទី២ ក្នុងភូមិអូរអាម ឃុំស្រែខ្ទុម ស្រុកកែវសីមា ខេត្តមណ្ឌលគិរី។
ប្រភពបានឱ្យដឹងបន្តថា ស្ត្រីដែលស្លាប់ឈ្មោះ វិត អាយុជាង៣០ឆ្នាំ ។ ប្រភពបន្តថា មុនពេលកើតហេតុ ស្ត្រីទាំងពីរនាក់ បានកាន់ស្បៃមុងទៅរកត្រីទុកធ្វើម្ហូប ។ ខណៈពួកគេកំពុងអូសត្រីក្នុងស្រះរអិលជើងចូលរណ្តៅដែលមានជម្រៅជ្រៅខ្លាំងទាំងពីរនាក់ ប៉ុន្តែមានម្នាក់មិនសូវចេះហែលទឹកក៏លិចបាត់មួយសន្ទុះ ។ចំណែកម្នាក់ទៀត បានប្រវេរប្រវាឡើងពីក្នុងទឹករួចពីសេចក្តីស្លាប់ ។ ហើយនៅពេលឃើញដៃគូខ្លួនលង់ទឹកក៏ចុះទៅម្តង ដើម្បីជួយសង្គ្រោះតែទឹកជ្រៅពេក ។
ទោះជាយ៉ាងណា អ្នកភូមិមិនអស់ចិត្ត បានបញ្ជូនស្ត្រីជនរងគ្រោះ ទៅមកកាន់មណ្ឌលសុខភាពអូរអាម ដើម្បីធ្វើការសង្គ្រោះ ប៉ុន្តែគាត់ស្លាប់បាត់ទៅហើយ ។
ចែករំលែកព័តមាននេះ