ខណៈ​នេះ​កម្មករ​-​កម្មការិនី​ជាង​១០០០​នាក់​​ផ្ទុះ​កូដកម្ម​តវ៉ា​បិទផ្លូវ​ហើយ​ត្រូវ​ថៅ​កែ​​បញ្ឈប់​ការងារ​ទាំងអស់


រាជធានី​ភ្នំពេញ ៖ តាម​សេចក្តីរាយការណ៍​បឋម​បានឱ្យ​ដឹង​ថា នៅ​ខណៈ​ពេល​នេះ​កម្មករ​-​កម្មការិនី​រោងចក្រ WND បាន​ធ្វើ​កូដកម្ម​តវ៉ា​នៅ​សង្កាត់​ស្ទឹង​មាន​ជ័យ​៣ ខណ្ឌមានជ័យ បាន​ផ្ទុះ​កូដកម្ម​បិទផ្លូវ​ជា​លើក​ទី​៤​ម្តងទៀត ហើយ​ការ​បិទផ្លូវ​នេះ​បាន​កើតឡើង​តាំងពី​ម៉ោង​៨​ព្រឹក​រហូត​មក​ទល់​ពេល​នេះ​នៅ​មិន​ទាន់​បើក​ចរាចរណ៍​វិញ​នៅឡើយ​ទេ នៅ​ថ្ងៃ​ទី​០៥ ខែមករា ឆ្នាំ​២០១៩ នេះ ។

តាម​សេចក្តីរាយការណ៍​បានឱ្យ​ដឹង​ទៀត​ថា ចំណុច​ដែល​កម្មករ​-​កម្មការិនី​ធ្វើការ​បិទផ្លូវ​តវ៉ា​នោះ​គឺ​នៅ​លើ​ផ្លូវ​២១៧ នៅ​ទល់​នឹង​មុខ​រោងចក្រ​តែ​ម្តង ដែល​មាន​កម្មករ​-​កម្មការិនី​ធ្វើ​កូដកម្ម​តវ៉ា​ជាង​១០០០​នាក់​ឯណោះ ។

ក្នុង​ករណី​ខាងលើ​នេះ​ដែរ​ខាង​មេធាវី​របស់​រោងចក្រ​បាន​ប្តឹង​រក្សា​ការពារ​ទៅ​កាន់​តុលាការ ហើយ​តុលាការ​ក៏​បាន​អនុវត្តន៍​សាលដីការ​មួយ​ដោយ​សម្រេច​ឱ្យ​កម្មករ​-​កម្មការិនី​ទាំងអស់​ចូល​ធ្វើការ​វិញ​ក្នុង​រយៈពេល​៤៨​ម៉ោង ប៉ុន្តែ​ក្រុម​កម្មករ​-​កម្មការិនី​មិន​ព្រម​ចូល​ធ្វើការ​តាម​ការ​សម្រេច​របស់​សាលដីការ​នោះ​ទេ ទើប​ថៅកែ​រោងចក្រ​សម្រេច​បញ្ឈប់​កម្មករ​-​កម្មការិនី​ជាង​១០០០​នាក់​នោះ​ទេ​ម្តង ។

សេចក្តីរាយការណ៍​បានឱ្យ​ដឹង​បន្ថែម​ថា ករណី​ដែល​កម្មករ​-​កម្មការិនី​ប្រហែល១៨០០​នាក់​ផ្ទុះ​កូដកម្ម​តវ៉ា​ខាងលើ​នេះ ដោយសារ​តែ​ពួក​គេ​តវ៉ា​ទាមទារ​ឱ្យ​ថៅកែ​រោងចក្រ WND ខាងលើ​គុណ​គូរ​ប្រាក់​អតីតភាព ប្រាក់​បៀរ​វត្ស​ន៍ និង​ប្រាក់​អត្ថប្រយោជន៍​មួយ​ចំនួន ហើយ​ក្រោយ​ការ​ចរចារ​របស់​អាជ្ញាធរ​មូលដ្ឋាន ក៏​ដូច​ជា​មាន​ខាង​តំណាង​ក្រសួង​សម្របសម្រួល​តែ​កម្មករ​-​កម្មការិនី​មិន​ព្រម​ទទួលយក​ការ​ចរចារ​នោះ​ទេ ទើប​ធ្វើ​កូដកម្ម​តវ៉ា​បិទផ្លូវ​ជា​បន្តបន្ទាប់​តែ​ម្តង ៕

Facebook Google Twitter Email

ព័ត៌មាន​ជាតិ

អត្រាប្តូរប្រាក់

អត្រាប្តូរប្រាក់ផ្សេងទៀត

Sponsored News

ការស្ទង់មតិគេហទំព័រថ្មី




សូម​អរគុណ