ក្រោយស៊ីសាច់ហុតឈាមយកឈ្នះ Liverpool គ្រូ Man City ឃើញកីឡាករ១រូបលេងល្អពេញចិត្តលោក
តាមប្រភពព័ត៌មាន Manchester Evening News បានឱ្យដឹងថា គ្រួបង្វឹកក្លិបមេឃខៀវ Manchester City លោក Pep…
តាមប្រភពព័ត៌មាន Manchester Evening News បានឱ្យដឹងថា គ្រួបង្វឹកក្លិបមេឃខៀវ Manchester City លោក Pep…
តាមប្រភពព័ត៌មាន Manchester Evening News បានឱ្យដឹងថា គ្រួបង្វឹកក្លិបមេឃខៀវ Manchester City លោក Pep Guardiola មានការពេញចិត្តយ៉ាងខ្លាំងចំពោះការលេងរបស់ក្រុមទាំងមូលដែលធ្វើឱ្យ Man City ក្លាយជាក្រុម Premier League ទីមួយក្នុងរដូវកាលនេះយកឈ្នះនិងបញ្ចប់ភាពមិនដែលចាញ់របស់ក្រុមហង្សក្រហម Liverpool ។
នៅមុនពេលប្រកួតលោក Pep Guardiola បាននិយាយរួចទៅហើយថា ចង់ឃើញក្រុមរបស់លោកលេងបានល្អហើយនេះពិតជាមិនធ្វើឱ្យលោកខកបំណងឡើយ ។ ក្រុមទាំងមូលពិតជាលេងបានល្អមែន តែលោកសង្កេតឃើញកីឡាករ Bernardo Silva លេងល្អជាងគេ ហើយអាចបណ្តើរបាល់ដាច់គេបានយូរ ។
លោកបាននិយាយថា ៖«គេ (Silva) ធ្វើអ្វីៗគ្រប់យ៉ាងទាំងអស់ ។ គេបានឈ្នះអ្នកមកដណ្តើមបាល់ទាំងឡាយ ។ គេគឺជាកីឡាករតូចជាងគេ ។ គេបានបង្ហាញឱ្យឃើញថា ការលេងបាល់ត្រូវតែលេងឱ្យល្អ មិនមែនគ្រាន់តែខ្ពស់ធំនោះទេ» ។
គួរបញ្ជាក់ផងដែរថា កីឡាករ Bernardo ថ្វីបើមានមាឌតូចមែនតែមានរបៀបលេងតាមបែបឆ្លាត ដោយអាចប្រជែងបាល់ជាមួយនឹងកីឡាករធំៗផ្សេងទៀតដូចជាខ្សែការពារក្រុមហង្សក្រហម Liverpool កីឡាករ Van Dijk ជាដើម ៕
ចែករំលែកព័តមាននេះ