ខេត្តមណ្ឌលគិរី ៖ តាមប្រភពព័ត៌មានពីលោកមេភូមិជីក្លប់បានឱ្យដឹងថា មានបុរសម្នាក់បានទៅកាប់ឈើដើម្បីធ្វើផ្ទះត្រូវមែកឈើបាក់សង្កត់ពីលើ បណ្តាលឱ្យស្លាប់កាលពីវេលាម៉ោងប្រហែល៣រសៀលថ្ងៃទី៣១ ធ្នូ ឆ្នាំ២០១៨ នៅចំណុចក្បាលអូរចាំងជ្រី ស្ថិតនៅភូមិជីក្លប់ ឃុំសុខសាន្ដ ស្រុកកោះញែក ។
ជនរងគ្រោះដែលស្លាប់ខាងលើឈ្មោះ សុខ បាន ភេទប្រុស អាយុ៦០ឆ្នាំ ជាជនជាតិព្នង រស់នៅភូមិ ជីក្លប់ ឃុំសុខសាន្ត ស្រុកកោះញែក ខេត្តមណ្ឌលគិរី ។
ក្រោយពីទទួលបានព័ត៌មានខាងលើភ្លាម កម្លាំងប៉ុស្តិ៍ និងកម្លាំងជំនាញនៃអធិការដ្ឋាននគរបាលស្រុកកោះញែក ដែលដឹកនាំដោយលោក អនុសេនីយ៍ ទោ ជា កុសល្យ អធិការរងទទួលបន្ទុកយុត្តិធម៌បានចុះធ្វើការត្រួតពិនិត្យលើសពជនរងគ្រោះ និងប្រមូលព័ត៌មានពីសាក្សីដែលបានឃើញហេតុការណ៍នោះរួចរាល់ ។
សមត្ថកិច្ចបានធ្វើការសន្និដ្ឋានថា ជនរងគ្រោះពិតជាបានស្លាប់ដោយសារមែកឈើបាក់សង្កត់បណ្ដាលអោយស្លាប់ពិតប្រាកដមែន។
ក្រោយពីធ្វើការពិនិត្យរួចរាល់ សមត្ថកិច្ចបានប្រគល់សពទៅអោយក្រុមគ្រួសារយកទៅធ្វើបុណ្យតាមប្រពៃណី ៕
ចែករំលែកព័តមាននេះ