លោកតាវ័យជាង៧០ឆ្នាំមួយរូប តស៊ូក្នុងអាជីពឡើងត្នោត ៣ទសវត្ស
- កំពត
ខេត្តកំពត ៖ លោកតាវ័យ73ឆ្នាំម្នាក់ នៅភូមិស្ដេចគង់ ឃុំស្ដេចគង់ខាងត្បូង ស្រុកបន្ទាយមាស ខេត្តកំពត។ លោកតាមួយរូបខាងលើឈ្មោះប៉ាក់ ផូយ អាយុ73ឆ្នាំរូបនេះ…
ខេត្តកំពត ៖ លោកតាវ័យ73ឆ្នាំម្នាក់ នៅភូមិស្ដេចគង់ ឃុំស្ដេចគង់ខាងត្បូង ស្រុកបន្ទាយមាស ខេត្តកំពត។
លោកតាមួយរូបខាងលើឈ្មោះប៉ាក់ ផូយ អាយុ73ឆ្នាំរូបនេះ បានរៀបរាប់អោយដឹងនៅព្រឹកថ្ងៃទី4 ខែមិនា ឆ្នាំ2026នេះថា គាត់មានមុខរបរឡើងត្នោតរយៈពេល30ឆ្នាំហើយ។
លោកតាបានបន្តថា រាល់ថ្ងៃគាត់បានឡើងដើមត្នោតចំនួន10ដើមឯណ្ណោះ មានដើមត្នោតខ្លះនៅជាប់គ្នា គាត់បានឆ្លងទៅដើមម្ខាងទៀត កៀបផ្កាយកទឹកក៍មានដែរ ។
លោកតាបានបន្តទៀតថា ក្នុងមួយៗគាត់បានទឹកត្នោតចំនួន2ខ្ទះ រម្ងាស់យកស្ករជិត10គឺឡូក្រាមហើយក្នុងមួយគីឡូលក់តម្លៃជាទូទៅ1ម៉ឺនរៀល ។
លោកតាបានត្អូញត្អែប្រាប់ឱ្យដឹងថា នៅពេលមានភ្លៀងធ្លាក់ក្នុងប៉ុន្មានថ្ងៃនេះ ស្ករត្នោតអាចនិងបាត់ទិន្នផលខ្លះដែរ ដោយសាអាកាធាតុត្រជាក់ ទឹកត្នោតមិនសូវចេញ។
លោកតាបានបន្តទៀតថា គាត់មានវ័យ73ឆ្នាំហើយ តែបើមិនរក មានប្រាក់ឯណាផ្គត់ផ្គង់ជីវភាព ព្រោះអ្នកភូមិរៀបមង្គលការ និងពិធីបុណ្យផ្សេងៗ គេមកអញ្ជើញលោកតាស្ទើតែរាល់ថ្ងៃ ។
លោកតាបន្តទៀតថា បើដល់ថ្ងៃណាគាត់ឡើងមិនរួចពីកន្ទេល ចាំឈប់ឡើងត្នោត។
បើតាមការអោយដឹងពីលោកមេភូមិស្ដេចគង់និយាយប្រាប់អោយដឹងថា នៅភូមិស្ដេចគង់មានប្រជាពលរដ្ឋមានមុខរបរធ្វើត្នោតយកទឹកនិងស្ករមានចំនួន3នាក់ ហើយស្ករត្នោតវិញជាស្ករធម្មជាតិពិតៗ មិនលាយម្សៅមី ឬយកស្ករមកដាក់កូរជាមួយក្លែងបន្លំទៅដាក់លើទីផ្សារនោះទេ ៕
ចែករំលែកព័តមាននេះ