រាជធានីភ្នំពេញ ៖ នារីជាគូដណ្តឹងគ្រូក្បាច់គុនល្បុក្កតោម្នាក់ ដែលស្លាប់ដោយគ្រោះថ្នាក់ចរាចរណ៍ កាលពីប៉ុន្មានថ្ងៃមុន បានក្រាបសំពះផ្ទឹមជាមួយខោអាវ និងស្បែកជើងកូនកំលោះ បង្ហាញពីភក្ដីភាពបំផុតសម្រាប់គូដណ្ដឹងដែលបានជួបគ្រោះថ្នាក់អកុសលស្មានមិនដល់ ខណៈថ្ងៃរៀបមង្គលការគ្រោងធ្វើឡើងនៅថ្ងៃទី៥ មករា…
រាជធានីភ្នំពេញ ៖ នារីជាគូដណ្តឹងគ្រូក្បាច់គុនល្បុក្កតោម្នាក់ ដែលស្លាប់ដោយគ្រោះថ្នាក់ចរាចរណ៍ កាលពីប៉ុន្មានថ្ងៃមុន បានក្រាបសំពះផ្ទឹមជាមួយខោអាវ និងស្បែកជើងកូនកំលោះ បង្ហាញពីភក្ដីភាពបំផុតសម្រាប់គូដណ្ដឹងដែលបានជួបគ្រោះថ្នាក់អកុសលស្មានមិនដល់ ខណៈថ្ងៃរៀបមង្គលការគ្រោងធ្វើឡើងនៅថ្ងៃទី៥ មករា ២០១៩ ខាងមុខ ។ គ្រូល្បុក្កតោដែលជួបគ្រោះថ្នាក់ចរាចរណ៍បាត់បង់ជីវិតនេះពេលដើរចែកសំបុត្រការ គឺលោក និល សីហា ។ ពាក់ព័ន្ធរឿង ៖ សល់តែជាង១០ថ្ងៃទៀតចូលរោងការ..គ្រូល្បុក្កតោម្នាក់ជួបគ្រោះយ៉ាងរន្ធត់
គួររំលឹកថា មច្ចុរាជបានផ្តាច់សង្ខាបុរសម្នាក់ដោយឥតក្តីមេត្តា បន្សល់ទុក្ខឲ្យគូដណ្តឹងដ៏ស្រស់សោភាយំ សោកបោកប្រាណដូចអកព្រាត់គូ ខណៈពួកគេសល់តែ១៧ថ្ងៃទៀតប៉ុណ្ណោះត្រូវចូលរោងជ័យក្រាបផ្ទឹមសំពះមេបាទៅហើយ ។ តែគួរឲ្យអាណោចអាធ័ម អនាគតកូនកំលោះបែរជាបាត់បង់ជីវិតភ្លាមៗ និងមិត្តភក្ដិម្នាក់ទៀតរងរបួសស្រាល បន្ទាប់ពីជិះម៉ូតូឌុបគ្នាត្រលប់មកពីយកធៀបការទៅអញ្ជើញមិត្តភក្តិ ក៏ជួបគ្រោះថ្នាក់ចរាចរណ៍ ប៉ះដៃចង្កូតជាមួយរ៉ឺម៉កម៉ូតូដួល ហើយឡានកិនពីលើថែមទៀតស្លាប់នៅកណ្ដាលផ្លូវ រហូតដឹងដល់នារីជាគូដណ្ដឹងមកទួញយំឱបគូដណ្ដឹងរបស់ខ្លួន បង្កការភ្ញាក់ផ្អើលយ៉ាងខ្លាំងកាលពីវេលារំលងអធ្រាត្រ ឈានចូលថ្ងៃទី២០ ធ្នូ ។ ទីកន្លែងកើតហេតុស្ថិតនៅចំណុចមុខច្រកចូលសាលាសង្កាត់ស្ទឹងមានជ័យ២ (ជិតសាលារៀនភូមិឫស្សី) តាមបណ្តោយផ្លូវ២១៧ សង្កាត់ស្ទឹងមានជ័យ៣ ខណ្ឌមានជ័យ ។
អនាគតកូនកំលោះដែលស្លាប់ឈ្មោះ និល សីហា អាយុ២៧ឆ្នាំ ជាគ្រូល្បុក្កតោ ស្នាក់នៅក្នុងសង្កាត់ដង្កោ ខណ្ឌដង្កោ និងទីកន្លែងកំណើតនៅភូមិតាព្រះ ឃុំព្រែកតាសរ ស្រុកពោធិ៍រៀង ខេត្តព្រៃវែង ។ លោកគ្រូមានគូដណ្ដឹងឈ្មោះ ពៅ ពិសិដ្ឋ អាយុ២២ឆ្នាំ ស្នាក់នៅក្នុងភូមិបុរីកម្មករ សង្កាត់ជើងឯក ខណ្ឌដង្កោ ។
ការបាត់បង់ជីវិតអនាគតកូនកំលោះលោក និល សីហា គឺមិនខុសពីចាស់ៗតែងហាមឃាត់ទាំងអនាគតកូនកំលោះ និងអនាគតកូនក្រមុំមិនឲ្យធ្វើដំណើរទៅណាមកណាឆ្ងាយពីផ្ទះទេ គឺហាមចេញដើរឆ្ងាយដាច់ខាត ព្រោះជិតរៀបការហើយដោយចាត់ទុកថាមិនល្អឡើយ កាលណាដើរហើរឆ្ងាយពីផ្ទះ ។
បន្ទាប់ពីមានរឿងសង្វេគទឹកភ្នែកកូនក្រមុំគេក៏បានផ្ដោតទៅលើរូបថត ដែលពួកគេបានថតរួមគ្នាមុន
ពេលរៀបការ ដោយបានតុបតែងប្លែកពីគេឯង ។ ដោយសារតែការតែងតួថតរូបបែបប្ដីលាប្រពន្ធទៅ ធ្វើសង្គ្រាមនេះ ហើយ ទើបជិវិតអនាគតប្ដីលាគ្នារហូត ។ នៅល្ងាចថ្ងៃទី២២ ធ្នូ កន្លងមកនារីជាគូដណ្តឹងបានទម្លាយរឿងរូបថត ដែលធ្វើឲ្យអ្នកលេងហ្វេសប៊ុកខ្លះនិយាយថា គូស្នេហ៍ព្រ័ត្រស្លាប់ដោយសារថត pre wedding ដូចលាគ្នា ព្រោះនៅសល់កន្លះខែចូលរោងការបែរជាខាងប្រុស ជិះម៉ូតូយកធៀបការដើរអញ្ជេីញភ្ញៀវ ជួបគ្រោះថ្នាក់ចរាចរណ៍ស្លាប់ទាំងអាល័យ ។
តាមគណនីហ្វេសប៊ុកឈ្មោះ Kea Veasna បានបង្ហោះរូបថតនាងពៅ ពិសិដ្ឋ ដែលជាគូដណ្ដឹងបានក្រាបសំពះផ្ទឹមជាមួយខោអាវនិងស្បែកជើងកូនកំលោះ ដោយមានញាតិមិត្តចាស់ទុំប្រុសស្រីចងដៃទៅតាមប្រពៃណីសំពះ ផ្ទឹម ។ ការបង្ហាញកាលពីថ្ងៃទី២៦ ធ្នូ មានអ្នក comment បង្ហាញរូបថតចូលរួមសោកសៅព្រមទាំងសម្តែងនូវក្តីអាឡោះអាល័យក្រៃលែង ៕
ចែករំលែកព័តមាននេះ