ខេត្តបន្ទាយមានជ័យ ៖ នៅថ្ងៃទី២២ ខែមិថុនា ឆ្នាំ២០២៥ អាជ្ញាធរខេត្តបន្ទាយមានជ័យបានបដិសេធថា គ្មានរថយន្តពលរដ្ឋខ្មែរចូលទៅចាក់សាំងក្នុងទឹកដីថៃឡើយ កម្ពុជាមានសាំងប្រើប្រាស់គ្រប់គ្រាន់ ។ នេះជាការឆ្លើយចំពោះកាសែតថៃដែលផ្សាយគ្មានការពិត…
ខេត្តបន្ទាយមានជ័យ ៖ នៅថ្ងៃទី២២ ខែមិថុនា ឆ្នាំ២០២៥ អាជ្ញាធរខេត្តបន្ទាយមានជ័យបានបដិសេធថា គ្មានរថយន្តពលរដ្ឋខ្មែរចូលទៅចាក់សាំងក្នុងទឹកដីថៃឡើយ កម្ពុជាមានសាំងប្រើប្រាស់គ្រប់គ្រាន់ ។ នេះជាការឆ្លើយចំពោះកាសែតថៃដែលផ្សាយគ្មានការពិត ។
ឯកឧត្តម អ៊ុំ រាត្រី អភិបាលខេត្តបន្ទាយមានជ័យ បានបដិសេធការចុះផ្សាយរបស់កាសែតថៃថាមានរថយន្តកម្ពុជាចូលទៅចាក់សាំងក្នុងទឹកថៃ មិនមែនជាការពិតទេ គឺគ្មានទេដែលពលរដ្ឋខ្មែរចូលទៅចាក់សាំងក្នុងទឹកដីថៃនោះ ព្រោះកម្ពុជាមានសាំងប្រើប្រាស់គ្រប់គ្រាន់ អ្វីដែលកាសែតថៃបានចុះផ្សាយនោះជារថយន្តពលរដ្ឋខ្មែរជាអាជីវករខ្មែរចូលទៅទឹកដីថៃតាមច្រកទ្វារព្រំដែនអន្តរជាតិប៉ោយប៉ែតដែលឈមច្រកខ្លងលឹកប្រទេសថៃចូលទៅលក់នៅផ្សាររ៉ូងក្លឿជារៀងរាល់ថ្ងៃ ។
ឯកឧត្តមបានបញ្ជាក់ថា៖រាល់ថ្ងៃពលរដ្ឋខ្មែរដែលចូលទៅលក់ដូរនៅផ្សាររ៉ូក្លឿប្រទេសថៃ១ថ្ងៃមានរាប់ពាន់នាក់ហើយមានរថយន្តរាប់រយគ្រឿងដែលមានឯកសារចេញ.ចូលទៅប្រទេសថៃព្រឹកវិលល្ងាច ក្រោយភាគីថៃបានបិតច្រកដោយ(ឯកតោភាគី)ហើយសម្រួលការចេញ.ចូលដោយកម្ពុជាបើកចេញ.ចូលម៉ោង៩ព្រឹកបិតម៉ោង៤ល្ងាចដោយភាគីថៃបើកម៉ោង៨ព្រឹកបិតម៉ោង៤ល្ងាច។
ឯកឧត្តម ប៉ាន់ខែម ប៊ុនថន នាយរងខុទ្ទការល័យនាយករដ្ឋមន្ត្រី និងជាប្រធានក្រុមការងារចុះជួយមូលដ្ឋានក្រុងប៉ោយប៉ែតបានបញ្ជាក់ថា៖កាសែតថៃដែលផ្សព្វផ្សាយថា រថយន្តពលរដ្ឋខ្មែរចូលចាក់សាំងក្នុងទឹកដីថៃគឺគ្មានការពិតឡើយព្រោះសាំងកម្ពុជាមានប្រើប្រាស់គ្រប់គ្រាន់ដោយមិនចាំបាច់ពឹងដង្ហើមថៃដកទៀតឡើយ ទាំងសាំង អគ្គីសនី អ៊ិនធឺណែត និងបន្លែផ្លែឈើ ត្រូវបានកាត់ផ្តាច់ពីប្រទេសថៃគឺកម្ពុជាមានគ្រប់គ្រាន់ក្នុងការប្រើប្រាស់សម្រាប់ពលរដ្ឋខ្មែរ៕
ចែករំលែកព័តមាននេះ