ប៉ោយប៉ែត ៖ ទិដ្ឋភាពនាព្រឹកម៉ោង០៩និង០០នាទី ថ្ងៃអាទិត្យ ទី២២ ខែមិថុនា ឆ្នាំ២០២៥ ប្រជាពលរដ្ឋធ្វើដំណើរឆ្លងដែនទៅមក មានបើកឡាន ជិះម៉ូតូ…
ប៉ោយប៉ែត ៖ ទិដ្ឋភាពនាព្រឹកម៉ោង០៩និង០០នាទី ថ្ងៃអាទិត្យ ទី២២ ខែមិថុនា ឆ្នាំ២០២៥ ប្រជាពលរដ្ឋធ្វើដំណើរឆ្លងដែនទៅមក មានបើកឡាន ជិះម៉ូតូ និងដំណើរស្មើរជើងរាល់ថ្ងៃ ទៅប្រកបមុខរបរលក់ដូរនៅផ្សាររុងគ្លឿ ។ នេះបើយោងតាមទូរទស្សន៍ជាតិ ខេត្តបន្ទាយមានជ័យបានបង្ហោះនាព្រឹកនេះ ។
ទូរទស្សន៍ជាតិ ខេត្តបន្ទាយមានជ័យ បានបន្តថា ដូចអ្វីដែលសារព័ត៌មានថៃ និងក្រុមជ្រុលនិយមថៃមួយចំនួនគ្មានវិជ្ជាជីវៈ បំភ្លៃការពិត ចុះផ្សាយថា ពលរដ្ឋខ្មែរសម្រុកបើកឡាន ជិះម៉ូតូ ទៅចាក់សាំងនៅថៃនោះទេ ។
ម្យ៉ាងវិញទៀត ច្រកទ្វារអន្តរជាតិប៉ោយប៉ែត ក៏ដូចជា ច្រកផ្សេងៗ ដែលជាប់ព្រំដែនថៃ រាជរដ្ឋាភិបាលកម្ពុជា ហាមដាច់ខាតមិនអនុញ្ញាតអោយនាំចូល បន្លែ ផ្លែឈើ មកក្នុងប្រទេសកម្ពុជាឡើយ ។
សូមបញ្ជាក់ថា ចាប់ពីថ្ងៃទី៧ ខែមិថុនា ឆ្នាំ២០២៥ កងទ័ពថៃបានប្រើប្រាស់វិធានការបិទច្រកព្រំដែន និងកែប្រែពេលវេលានៃការបិទ-បើកច្រកព្រំដែន រវាងប្រទេសទាំងពីរជាឯកតោភាគី ដោយមិនបានគិតអំពីផលប៉ះពាល់ដល់ការធ្វើដំណើរឆ្លងកាត់របស់ប្រជាជននៃប្រទេសទាំងពីរឡើយ ។
កម្ពុជាមិនដែលមានបំណងចង់បង្កការលំបាកដល់ប្រជាពលរដ្ឋនៃប្រទេសទាំងពីរដែលរស់នៅ ឬធ្វើដំណើរឆ្លងកាត់ច្រកព្រំដែននោះទេ។ ប៉ុន្តែបើកងទ័ពថៃនៅបន្តប្រើវិធីបែបនេះ ដើម្បីដាក់គំនាបមកលើកម្ពុជានោះ គឺកម្ពុជាកំដរបានគ្រប់ពេលវេលា ៕
ចែករំលែកព័តមាននេះ