សម្តេច​តេ​ជោ​ប្រកាស​ស្វាគមន៍​ការ​វិល​ចូល​ស្រុក​លោក សម រ​ង្ស៊ី តែ​ខ្នោះ​និង​គុក​រង់ចាំ​ជា​និច្ច


រាជធានី​ភ្នំពេញ ៖ សម្តេច​តេ​ជោ ហ៊ុន សែន នាយក​រដ្ឋមន្ត្រី​បាន​ប្រកាស​ស្វាគមន៍​ចំពោះ​ការ​ប្រកាស​វិល​ចូល​ស្រុក​វិញ​របស់​អតីត​មេ​គណបក្សប្រឆាំង​បន្ទាប់​ពី​ផុតកំណត់​នៃ​ការ​ភ្នាល់ ។

ការ​ប្រកាស​ប្រមុខ​ដឹកនាំ​ប្រទេស​នេះ ខណៈ​ដែល​លោក សម រ​ង្ស៊ី អតីត​ប្រធាន​គណបក្ស​សង្គ្រោះ​ជាតិ​បាន​ប្រកាស​កាលពី​ពេល​ថ្មី​ៗ​កន្លង​មកនេះ​ថា លោក​នឹង​វិល​ចូល​ស្រុក​ខ្មែរ​វិញ នៅ​ពេល​ឆាប់​ៗ​ខាង​មុខ​នេះ គឺ​នៅ​ឆ្នាំ​២០១៩ ។ ថ្លែង​ក្នុង​ពិធី​ជូ​ប​សំណេះសំណាល​ជាមួយ​កម្មករ​ជាង​មួយ​ម៉ឺន​នាក់ នៅ​ក្នុង​ខេត្តកណ្តាល​នា​ព្រឹក​ថ្ងៃ​ទី​២៦ ខែធ្នូ ថា សម្តេច​តេ​ជោ​ប្រកាស​ស្វាគមន៍​ចំពោះ​លោក​សម រ​ង្ស៊ី ក្នុង​ការ​វិល​ចូល​ស្រុក​វិញ ហើយ​ក៏​បាន​ត្រៀម​ខ្នោះ​ស្វាគមន៍​ដោយ​ចាប់​វាយ​តាម​បែប​ទា​ហ៊ាន​អា​មេ​រិ​ក​តែ​ម្តង ។

សម្តេច​តេ​ជោ​ហ៊ុន សែន នាយក​រដ្ឋមន្ត្រី​បាន​លើក​ឡើង​ថា «​ខ្ញុំ​ស្វាគមន៍​ចំពោះ​អ្នក​ប្រកាស​ចូល​ស្រុក​វិញ ។ ខ្ញុំ​ក៏​បាន​ត្រៀម​ខ្នោះ និង​គុក​រួច​ហើយ​ដែរ សូម​អញ្ជើញ​អ្នក​ក្លាយ​ហាន​មក​ទឹកដី​កម្ពុជា មុន​ក៏​បាន ក្រោយ​ក៏​បាន​បន្ទាប់​ពី​ឱ​សាន​នុ​វាទ​នៃ​ភ្នាល់​គ្នា គឺ​ក្រោយ​ថ្ងៃ​១ ខែ​មិ​នា ។ សូម​អញ្ជើញ​បើ​មិន​មក​អ្នក​ឯក​មិន​មក​មនុស្ស​ទេ គឺជា​សត្វ​តិរច្ឆាន​ព្រៃ​ស​ចាំ ឬ​ត្រពាំង​ថ្លុ​ង ឬ​ព្រះ​វិហារ ឬ​ឧត្ត​មាន​ជ័យ Every Where » ។

សម្តេច​បាន​លើក​ឡើង​ទៀត​ថា «​សូម​អញ្ជើញ​អ្នក​ក្លាយ​ចូល​ស្រុក ដើម្បី​ទទួលទោស​ដែល​អ្នកមាន​រួច​មក​ហើយ មិន​ចាំបាច់​រត់ចោលស្រុក ហើយ​ប្រកាស ដើម្បី​ផ្តល់​ក្តី​សង្ឃឹមថា នឹង​មក​ស្រុក​» ។ ជាមួយ​គ្នា​នោះ​ដែរ​សម្តេច​ក៏​ឲ្យ​ដឹង​ថា សម្តេច​បាន​ប្រាប់​ទៅ​ខាងជើង​ហោះហើរ​អាកាសចរណ៍​កុំ​ឲ្យ​មានការ​ហាមឃាត់​លោក សម រ​ង្ស៊ី ចូលរួម​មក​ស្រុក​ខ្មែរ​ថែម​ទៀត ។

សម្តេច​៖«​ខ្ញុំ​បាន​ប្រាប់​ទៅ​អាកាសចរណ៍​ទាំងអស់​ដឹក​ជន​នឹង​ឲ្យ​គេ​ដឹក​ចូល​មក ខ្ញុំ​ក៏​ចង់ ជម្រះបញ្ជី​ជាមួយ​អា​ជន​នឹង​ឲ្យ​បាន​ច្បាស់​! ខ្ញុំ​បាន​ប្រាប់​ខាង​អាកាសចរណ៍​ស៊ី​វិល​កុំ​ហាមឃាត់​ក្នុង​ការ​ដឹក​អា​ចង្រៃ​នេះ​ចូល​ស្រុក ។ ព្រោះ​យើង​ត្រូវ​ដាក់​ខ្នោះ​វា ហើយ​យើង​តាម​ចាប់​វា​យូរហើយ​អា​ឡូ​វ​វា​រឿង​អី​មិន​ស្រូល យើង​ត្រៀម​រួច​ហើយ ។ ប៉ុន្តែ​បើ​អ្នកឯង​មិន​មក​ក្រោយ​ថ្ងៃ​ឱ​សាន​នុ វាទ​ថ្ងៃ​១​មីនា ឆ្នាំ​២០១៩ មិន​មក​ទេ​នោះ​អ្នកជា​សត្វ​ឆ្កែ​សុទ្ធ ។ ខ្ញុំ​ហៅ​អ្នកឯង​ជា​សត្វ​ឆ្កែ​បាន តែ​ព្រួស​» ។

សម្តេច​តេ​ជោ​បាន​ចំអក​ទៅ​លោក សម រ​ង្ស៊ី​ថា ជា​មនុស្ស​ពូកែ​រត់​មិន​ថា រឿង​តូច ឬ​រឿង​ធំ​នោះ​ទេ ។ សម្តេច​ថា លើក​មុន​ខ្ញុំ​លើកលែង​អ្នក​ចំ​ថ្ងៃ​បុណ្យ​ឪពុក​ខ្ញុំ​លើក​នេះ​ខ្ញុំ​បញ្ជា​ឲ្យ​ដាក់​ខ្នោះ ព្រោះ​រដ្ឋបាល​ត្រូវ​អនុវត្ត​នៃ​សាលា​ដីកា​តុលាការ​អ្នក​ណា​ចង់​ថា អី​ថា​ចុះ ! ល្អ​ដែល​មក​ចូល ជាប់គុក នៅ​ថ្ងៃ​ចូល​ឆ្នាំ​ខ្មែរ​នៅ​ឆ្នាំ​២០១៩ ។ សម្តេច​ក៏​បាន​លើក​ឡើង​ថា ប្រសិនបើ​លោក សម រ​ង្ស៊ី ជាប់គុក​នោះ​នឹង​ក្លាយជា​វីរៈបុរស​នៅ​ក្នុង​គុក​ហើយ ។ យ៉ាងណា​ក្តី​សម្តេច​ក៏​បាន​អះអាង​ថា លោក សម រ​ង្ស៊ី គឺជា​មនុស្ស​កំសាក​បំផុត ។ សម្តេច​ចង់​ឃើញ​លោក សម រ​ង្ស៊ី ចូល​ស្រុក​ណាស់ ៕

ព័ត៌មាន​ជាតិ

អត្រាប្តូរប្រាក់

អត្រាប្តូរប្រាក់ផ្សេងទៀត

Sponsored News

១០:៤៧ | ក្នុងស្រុក

មិត្ត​ហ្វូ​ន កំពុង​អនុវត្តន៍​រក្សា​គម្លាត​ឆ្ងាយ​ពី​​គ្នា​ដោយ​លើកទឹកចិត្ត​ឱ្យ​អតិថិជន​របស់​ខ្លួន​ប្រើប្រាស់​សេវាកម្ម​ឌី​ជី​ថ​ល ក្នុង​​ពេល​កំពុង​ផ្ទុះ​កូ​វី​ដ​១៩

០១:២០ | ក្នុងស្រុក

ក្រុមហ៊ុន​អ៊ិ​ន​ធើ ឡូ​ជី​ស្ទីក (​ខេ​ម​បូ​ឌា​) ជា​ក្រុមហ៊ុនមេ​នៃ​ធនាគារ​ឯកទេស​វី​ង នឹង​វិនិយោគ​ជាមួយ Camboticket ដើម្បី​ពង្រីក​អាជីវកម្ម​លក់​សំបុត្រ​អន​ឡាញ​នៅ​កម្ពុជា

០២:១៨ | ក្នុងស្រុក

ធនាគារ អេ​ស៊ី​លី​ដា បរិច្ចាគ​ថវិកា ៣០០០ លាន​រៀល ដើម្បី​រួមចំណែក​ជាមួយ​រាជរដ្ឋាភិបាល​កម្ពុជា ក្នុង​សកម្ម​ភាព​មនុស្សធម៌ និង​ការ​ទប់ស្កាត់​ការ​រីក​រាល​ដាល​ជំងឺ​កូ​វី​ដ​១៩

០២:០២ | ក្នុងស្រុក

JICA ចុះ​កិច្ចព្រមព្រៀង​លើ​ប្រាក់​កម្ចី ៥០​លាន​ដុល្លារ​អា​មេ​រិ​ក​ជាមួយ​ហត្ថា​កសិករ លីមីត​ធី​ត ដើម្បី​គាំទ្រ​សហ​គ្រាស​​​ខ្នាត​តូច​បំផុត ខ្នាត​តូច និង​មធ្យម​​​នៅ​កម្ពុជា

០៩:៤៥ | ក្នុងស្រុក

Metfone គាំទ្រ​ការ​សិក្សា​តាម​បណ្តាញ​​អន​ឡាញ​ដោយ​ផ្តល់​សេវា​អ៊ី​ន​ធើ​រ​​ណេ​ត​ដោយ​ឥត​គិតថ្លៃ និង​ការ​សិក្សា​​តាម​អ៊ី​ន​ធើ​រ​ណេ​ត​ផត​ថ​ល​ក្នុង​កំឡុង​​វីរុស Covid-19 កំពុង​រាតត្បាត​ខ្លាំង

ការស្ទង់មតិគេហទំព័រថ្មី




សូម​អរគុណ