អីក៏សាហាវម្ល៉េះ ចាប់វ៉ៃខ្នោះប្រជាពលរដ្ឋដូចអ្នកទោស (មានវីដេអូ)
- ឧត្តរមានជ័យ
ខេត្តឧត្តរមានជ័យ ៖ លោក នី សុខា ប្រធានផ្នែកសិទ្ធិមនុស្សអាដហុកដែលមានការិយាល័យនៅឯភ្នំពេញរួមដំណើលោក ម៉ែន សុធី មន្ត្រីអាដហុកភ្នំពេញ លោកស្រី ណារ៉េន អាដហុកប្រចាំខេត្តឧត្តរមានជ័យបានចុះធ្វើការស៊ើបសួរប្រជាពល រដ្ឋរងគ្រោះដែលលោក ងួន លីន រដ្ឋបាលសាលាស្រុកអន្លង់វែងដឹកនាំកងកម្លាំងឯកភាពរបស់ស្រុកអន្លង់វែងរុះរើលំនៅឋានប្រជាពលរដ្ឋនៅចំណុចជប់ត្រគួនស្ថិត ក្នុងភូមិអណ្តូង៣ ឃុំអន្លង់វែង ស្រុកអន្លង់វែង ខេត្តឧត្តរមានជ័យកាលពីព្រឹកថ្ងៃទី២០ ខែធ្នូ ឆ្នាំ២០១៨ កន្លងទៅនេះ ។
ប្រជាពលរដ្ឋបានបន្តថា កាលពីព្រឹកថ្ងៃទី២៤ ធ្នូ ក្រោយពីការរុះរើលំនៅឋានប្រជាពលរដ្ឋនោះ លោក ឃឹន ញ៉ាណ អភិបាលរងខេត្តឧត្តរមានជ័យបានដឹកនាំក្រុមការងារថ្នាក់ខេត្តចុះមកជួបប្រជាពលរដ្ឋដែលរងគ្រោះធ្វើជំរឿនប្រជាពលរដ្ឋនឹងស្រង់នូវទិន្នន័យដីធ្លីរបស់ប្រជាពលរដ្ឋរាល់ក្បាលដីដែលមានពិតប្រាកដ និងផ្តិតមេដៃរៀងៗខ្លួនឱ្យបានត្រឹមត្រូវ ។
លោកស្រី ណារ៉េន អង្គការអាដហុកប្រចាំខេត្តឧត្តរមានជ័យបានធ្វើបទសម្ភាសជាមួយអ្នកយកព័ត៌មានថា លោកបានចូលរួមសោកស្តាយផងដែរដែលក្រុមអាជ្ញាធរបានចុះមករុះរើលំនៅឋានប្រជាពលរដ្ឋ និងបណ្តេញចេញពីលំនៅឋានដីធ្លីរបស់ពួកគាត់ ខណៈនេះលោកក៏បានសុំអំពាវនាវដល់អាជ្ញាធរខេត្តមេត្តាជួយពន្លឿនដល់ក្រុមការងារចុះធ្វើការដោះស្រាយជូនប្រជាពលរដ្ឋឱ្យបានឆាប់រហ័សបំផុតចៀសវាងនឹងកើតមានបញ្ហាបន្តទៀត ៕
ចែករំលែកព័តមាននេះ