ខេត្តឧត្តរមានជ័យ ៖ លោក ហេង រតនា បានប្រកាសឱ្យដឹងថា កម្លាំងជំនាញរបស់អង្គភាពស៊ីម៉ាក់ (CMAC) កំពុងបន្តយុទ្ធនាការបោសសម្អាតគ្រាប់បែកចង្កោម និងសំណល់ជាតិផ្ទុះពីសង្គ្រាម នៅទិសខេត្តឧត្តរមានជ័យ និងខេត្តបន្ទាយមានជ័យ ។
ជាក់ស្តែងលោក ហេង រតនា អគ្គនាយកមជ្ឈមណ្ឌលសកម្មភាពកំចាត់មីនកម្ពុជា (ស៊ីម៉ាក់) បានប្រកាស នាថ្ងៃទី១១ ខែមិថុនានេះថា ៖ នៅថ្ងៃទី១១ ខែមិថុនា ឆ្នាំ២០២៦ នៅទិសខេត្តឧត្តរមានជ័យ និងបន្ទាយមានជ័យ កម្លាំងជំនាញអង្គភាពCMAC បន្តបោសសម្អាតគ្រាប់បែកចង្កោម សំណល់សង្គ្រាមសៀមឈ្លានពាន តាមលំនៅដ្ឋាន ហេដ្ឋារចនាសម្ពន្ធ័សាធារណៈ និងដីសេដ្ឋកិច្ចសង្គម ។
អគ្គនាយកស៊ីម៉ាក់បានបន្តថា រួមគ្នាផ្តល់ក្តីសង្ឃឹម និងកសាងអនាគតរុងរឿងជូនប្រជាជន ដែលជាអ្នករងគ្រោះ ដោយសារសង្គ្រាមសៀមពានឈ្លាន និងកាន់កាប់បូរណភាពទឹកដីកម្ពុជា ៕
ចែករំលែកព័តមាននេះ