នាង Yaritza Oliva មានវ័យ២០ឆ្នាំកំពុងរស់នៅក្នុងសុបិនអាក្រក់ និងជាយុវនារីដែលអភ័ព្វជាងយុវនារីផ្សេងៗទៀតនៅក្នុងប្រទេសឈីលី ដោយសារនាង Yaritza Oliva រស់នៅតំបន់ Purranque ប្រទេសឈីលីរូបនេះតែងមានអាការៈយំហូរទឹកភ្នែកជាឈាម ហើយរហូតមកទល់ពេលនេះ គេនៅមិនទាន់ដឹងពីស្ថានភាពដ៏អាថ៌កំបាំងនេះនៅឡើយ ។
នាង Yaritza Oliva មានវ័យ២០ឆ្នាំកំពុងរស់នៅក្នុងសុបិនអាក្រក់ និងជាយុវនារីដែលអភ័ព្វជាងយុវនារីផ្សេងៗទៀតនៅក្នុងប្រទេសឈីលី ដោយសារនាង Yaritza Oliva រស់នៅតំបន់ Purranque ប្រទេសឈីលីរូបនេះតែងមានអាការៈយំហូរទឹកភ្នែកជាឈាម ហើយរហូតមកទល់ពេលនេះ គេនៅមិនទាន់ដឹងពីស្ថានភាពដ៏អាថ៌កំបាំងនេះនៅឡើយ ។
នាង Yaritza និយាយថា ដំបូងឡើយ ទឹកភ្នែកឈាមនោះហូរចេញពីភ្នែករបស់នាងប្រហែលជា២សប្តាហ៍មុន ប៉ុន្តែដោយគ្រួសារនាងមិនមានប្រាក់គ្រប់គ្រាន់ដើម្បីរកគ្រូពេទ្យជំនាញព្យាបាល ទើបនាងចេះតែបណ្តោយបែបនេះ ។ មានពេលមួយនោះ ក្រុមវេជ្ជបណ្ឌិតបានទៅដល់មន្ទីរពេទ្យក្នុងតំបន់ Purranque ដើម្បីព្យាបាលភ្នែកឲ្យប្រជាជននៅទីនោះ ។ ប៉ុន្តែវេជ្ជបណ្ឌិតមិនបានដឹងពីមូលហេតុរបស់នាងទេ ហើយគេគ្រាន់តែផ្តល់ថ្នាំបន្តក់ភ្នែកឲ្យនាងប៉ុណ្ណោះ ព្រោះគិតថានាងរលាកភ្នែកធម្មតា ។
នារីអភ័ព្វឱ្យដឹងទៀតថា ដំបូងឡើយ សូម្បីតែខ្លួននាងផ្ទាល់ក៏គិតថា វាគ្រាន់តែជាការរលាកធម្មតាប៉ុណ្ណោះ ។ ប៉ុន្តែបន្ទាប់ពីបានឃើញរូបថត និងវីដេអូពីការហូរទឹកភ្នែកជាឈាមនោះ លោកវេជ្ជបណ្ឌិត Alexander Lutz ដែលជាអ្នកឯកទេសព្យាបាលភ្នែកនៅមន្ទីរព្យាបាល Las Condes និយាយថា នេះមិនមែនជារោគសញ្ញាជំងឺធម្មតាទេ វាពិតជាមានអាថ៌កំបាំងខ្លាំងណាស់ ។ ស្ថានភាពបែបនេះអាចបង្កមកពីបញ្ហាឈាមកក និងការប្រែប្រួលប្លាស្មា (Platelet) ។ បញ្ហានេះក្រុមអ្នកឯកទេសកំពុងតាមដានមើលពីអាការៈរបស់នាង និងពិនិត្យមើលកន្លែងផ្សេងទៀតនៃរាងកាយរបស់នាងថា តើវាមានហូរឈាមដូចភ្នែកដែរឬទេ ៕
ចែករំលែកព័តមាននេះ