ខេត្តក្រចេះ ៖ ពលរដ្ឋមានរបរលក់ដូរម្ហូបអារហារចំណីត្រីសាច់នៅរមនីយដ្ឋានទឹកជួរ ទន្លេគង្គកាំពីកំពុងសម្រុកការសាងសង់រោងក្យូសផ្ទះទឹក នៅតាមជ្រលងទឹកជួរសម្រាប់ទទួល ភ្ញៀវទេសចរណ៍មកអង្គុយលំហែរឲ្យទាន់មុនដូវបុណ្យចូលឆ្នាំចិន ។ រោងក្យូសផ្ទះទឹកធ្វើអំពីឈើប្រកស្បូវត្រូវបានពលរដ្ឋចំនួនជិត១០០គ្រួសារ សុទ្ធសឹង មានទីលំនៅក្នុងភូមិកាំពី…
ខេត្តក្រចេះ ៖ ពលរដ្ឋមានរបរលក់ដូរម្ហូបអារហារចំណីត្រីសាច់នៅរមនីយដ្ឋានទឹកជួរ ទន្លេគង្គកាំពីកំពុងសម្រុកការសាងសង់រោងក្យូសផ្ទះទឹក នៅតាមជ្រលងទឹកជួរសម្រាប់ទទួល ភ្ញៀវទេសចរណ៍មកអង្គុយលំហែរឲ្យទាន់មុនដូវបុណ្យចូលឆ្នាំចិន ។
រោងក្យូសផ្ទះទឹកធ្វើអំពីឈើប្រកស្បូវត្រូវបានពលរដ្ឋចំនួនជិត១០០គ្រួសារ សុទ្ធសឹង មានទីលំនៅក្នុងភូមិកាំពី ឃុំសំបុក ស្រុកចិត្របុរី ដែលធ្លាប់បានទទួលចំណូលពីការលក់ដូរនំ ចំណីម្ហូបអារហារពីរមនីយដ្ឋានកាំពីជារៀងរាល់ឆ្នាំបាន និងកំពុងតែបង្កើនសកម្មភាពការ សាងសង់ជារៀងរាល់ថ្ងៃ ខណៈសព្វថ្ងៃភ្ញៀវទេចរណ៍កំពុងមានវត្តមានមកលេងកម្សាន្តជា បណ្តើរៗទៅហើយនោះ។
ពលរដ្ឋថា ជារៀងរាល់ឆ្នាំពួកគាត់បានសាងសង់រោងក្យូសផ្ទះទឹក ចាប់ពី៤០០ទៅ៥០០ រោងក្យូស សម្រាប់ទទួលភ្ញៀវទេចរណ៍ ។ ពួកគាត់ថាចំនួននេះនៅពេលបុណ្យទានដូចជា បុណ្យចូលឆ្នាំចិន និងចូលឆ្នាំខ្មែរស្ទើមិនគ្រប់សម្រាប់បម្រើឲ្យភ្ញៀវនោះទេ ។
ពួកគាត់ថា ដោយសារឆ្នាំនេះស្ថានភាពទឹកជំនន់បានស្រកយឺតធ្វើឲ្យពួកគាត់ក៏មាន ភាពយឺតយាវក្នុងការសាងសង់រោងក្យូស ដើម្បីរកចំណូលពីវិស័យទេសចរណ៍មួយនេះ ។ ហើយក្នុង១ឆ្នាំគឺពួកគាត់មានឱកាសតែក្នុងរដូវប្រាំងពោល គឺរដូវទឹកសម្រកដែលពួក គាត់អាចរកចំណូលបានពីតំបន់ទេសចរណ៍មួយនេះ ។ ចំណូលដែលពួកគាត់បានមកពីតំបន់ ទេសចរណ៍មួយនេះមានដូចជា ការលក់នំចំណីម្ហូបអារហារការលក់របស់របរវត្ថុអនុស្សារីយ៍ ការជួលរោងក្យូស និងរបរកែច្នៃផ្សេងៗទៀត ។
តំបន់ទេសចរណ៍ទឹកជួរទន្លេមេគង្គកាំពីជាតំបន់អេកូទេសចរណ៍មួយដែលគួរឲ្យទាក់ទាញ និងមានភាពល្បីល្បាញបំផុតនៅខេត្តក្រចេះ ។ លក្ខណៈពិសេសនៃតំបន់ទេសចរណ៍នេះ គឺទឹកទន្លេមេគង្គក្នុងសភាពថ្លាឆ្វេងបានហូរយ៉ាងខ្មួលខ្មាញ់នៅលើថ្មដែលដុះក្រាលនៅ បាតទន្លេតាមជ្រលងដើមជ្រៃ ។ បរិយាកាសនៅក្នុងរមនីយដ្ឋានក្រៅពីលឺសន្ធឹកទឹកហូរ និងសម្លេងសត្វចាបតូចធំយំនៅតាមគុលជ្រៃខ្យល់អាកាសនៅក្នុងរមនីយដ្ឋាន ដែលស្ថិត នៅកណ្តាលទន្លេមេគង្គ គឺមានភាពបរិសុទ្ធ ពិសេសនោះសោភ័ណ្ឌភាពកាន់តែស្រស់ស្អាត បែបធម្មជាតិទៀតនោះ គឺនៅល្ងាចថ្ងៃរៀបលិច ។
តែអ្វីដែលគួរឲ្យចាប់អារម្មណ៍នោះ ការគ្មានបង្គន់អនាម័យប្រើប្រាស់ និងការចោល សំរាមកាកសំណល់ផ្សេងៗពីភ្ញៀវដែលទទួលទានរួចក៏ដូចជា អ្នកលក់ដូរចូលទៅក្នុងទន្លេ មេគង្គជាផ្នែកមួយដ៏សំខាន់ដែលជម្រុញឲ្យបរិស្ថាននៅជុំវិញតំបន់ទេសចរណ៍នេះមិនស្អាត ៕
ចែករំលែកព័តមាននេះ