រាជធានីភ្នំពេញ ៖ នៅថ្ងៃទី២០ ខែធ្នូ ឆ្នាំ២០១៨ វេលាម៉ោង០៩និង៣០នាទីយប់ ក្រោយពីទទូលបានព័ត៌មានពីភ្នាក់ងារជាអ្នករត់តាក់ស៊ីបាវិត-ភ្នំពេញនៅចំណុចមុខសាលាសង្កាត់ព្រៃអង្គុញ ភូមិគោកល្វៀង សង្កាត់ព្រៃអង្គុញ ក្រុងបាវិត ខេត្តស្វាយរៀង កម្លាំងអធិការដ្ឋាននគរបាលក្រុងបាវិតសហការជាមួយកម្លាំងការិយាល័យប្រឆាំគ្រឿងញៀន ប៉ុស្តិ៍នគរបាលរដ្ឋបាលសង្កាត់ព្រៃអង្គុញឈានដល់ការបង្ក្រាបជាក់ស្តែងមុខសញ្ញាជួញដូរគ្រឿងញៀន២នាក់ ។
ហើយក្នុងនោះដែរបានធ្វើការឆែកឆេររកឃើញថ្នាំញៀនចំនួន១កញ្ចប់តូចនាំយកទៅសាក សួរនៅប៉ុស្តិ៍នគរបាលសង្កាត់ព្រៃអង្គុញ ដោយបានឃាត់ខ្លួនជនសង្ស័យ២នាក់រួមមានទី១-ឈ្មោះ យ៉ ធីកាំយ៉ាង ភេទស្រី អាយុ៣៥ឆ្នាំ ជនជាតិវៀតណាម មុខរបរនារីម៉ាស្សា នៅផ្ទះជួលភូមិរោងបន្លែ សង្កាត់ស្វាយ រៀង ក្រុងស្ចាយរៀង ខេត្តស្វាយរៀង និងបានពិនិត្យតេស្តស្វែងរកសារធាតុញៀនលទ្ធផលវិជ្ជមាន(+) ជាមេតំហ្វេតាមីនប្រភេទម៉ាទឹកកក ។
ទី២-ឈ្មោះ ជិន ធីមាំង ហៅ សុខ ចិន្ថា ភេទស្រី អាយុ ៤៥ឆ្នាំ ជនជាតិវៀតណាម មុខរបរកោសជប់ នៅផ្ទះជួលភូមិ ភូមិរោងបន្លែ សង្កាត់ស្វាយរៀងក្រុងស្វាយរៀង ខេត្តស្វាយរៀង ដកហូតសម្ភារវត្ថុតាង ថ្នាំញៀន១កញ្ចប់, ទូរស័ព្ទដៃចំនួន២គ្រឿង, ម៉ូតូ១គ្រឿង និងសម្ភារប្រើប្រាស់មួយចំនួន ។ បច្ចុប្បន្នជនសង្ស័យរួមទាំងវត្ថុតាងត្រូវបានឃាត់ខ្លួននៅការិយាលយ័ប្រឆាំងគ្រឿងញៀនខេត្តដើម្បីធ្ចើការសាកសួរ និងបំពេញសំណុំរឿងចាត់ការតាមនីតិវិធី ៕
ចែករំលែកព័តមាននេះ