រាជធានីភ្នំពេញ ៖ ច្រាំងទន្លេមេគង្គនៅឃុំឬស្សីជ្រោយស្រុកមុខកំពូលតែងតែជួបនូវបញ្ហាបាក់ច្រាំងជារៀងរហូតមក ជាពិសេសនៅក្នុងរយៈពេលជាង១០ឆ្នាំចុងក្រោយនេះ ។ តាមការអោយដឹងពីប្រជាពលរដ្ឋនៅតំបន់នោះបានលើកឡើងថា តាំងពីគាត់ដឹងក្តីមកដីនៅច្រាំងខាងលិចតែងតែបាក់រហូតមក រីឯដីនៅច្រាំងខាងកើតមានការដុះច្រើន ។ ពួកគាត់បានបន្តទៀតថា…
រាជធានីភ្នំពេញ ៖ ច្រាំងទន្លេមេគង្គនៅឃុំឬស្សីជ្រោយស្រុកមុខកំពូលតែងតែជួបនូវបញ្ហាបាក់ច្រាំងជារៀងរហូតមក ជាពិសេសនៅក្នុងរយៈពេលជាង១០ឆ្នាំចុងក្រោយនេះ ។
តាមការអោយដឹងពីប្រជាពលរដ្ឋនៅតំបន់នោះបានលើកឡើងថា តាំងពីគាត់ដឹងក្តីមកដីនៅច្រាំងខាងលិចតែងតែបាក់រហូតមក រីឯដីនៅច្រាំងខាងកើតមានការដុះច្រើន ។ ពួកគាត់បានបន្តទៀតថា នៅចន្លោះឆ្នាំ២០១០-២០១៤ មានការបាក់ច្រាំងជាខ្លាំងដីនៅចន្លោះ១០០ទៅ ២០០ម៉ែត្រ បានចូលទៅក្នុងទន្លេតំបន់នេះបានបាក់ខ្លាំងជាថ្មីម្តងទៀតនៅចុងឆ្នាំ២០១៨នេះ ។
មន្ត្រីជំនាញក្រសួងរ៉ែ និងថាមពលបានលើកឡើងថា ក្រុមជំនាញបានចុះពិនិត្យ និងតាមដានស្ថានភាពទីតាំងនេះចាប់តាំងពីឆ្នាំ២០១៥ ដោយបានរកឃើញថា ច្រាំងទន្លេនៅតំបន់នេះរងហានិភ័យខ្ពស់ដោយសារ បញ្ហាធំៗចំនួន៣៖ ទី១- គឺស្ថានភាពបាតទន្លេជ្រៅខ្លាំងពី៨ ទៅជិត៣០ម៉ែត្រនៅត្រើយខាងលិច(ឃុំឬស្សីជ្រោយ) ហើយមានជម្រៅរាក់ និងដុះខ្សាច់ច្រើននៅត្រើយខាងកើត ។ កត្តានេះធ្វើឱ្យច្រាំងទន្លេខាងលិចបាត់បង់លំនឹងដោយសារទឹកហូរខ្លាំងបុកមកច្រាំង ។ កត្តាទី២- គឺសម្ពាធទឹកក្រោមដី ។ ឆ្នាំនេះទឹកឡើងធំបណ្ដាលឱ្យជន់ជោរទៅតាមបឹងទាំងឡាយនៅក្បែរទន្លេ រួមទាំងកម្ពស់ដង្ហើមទឹកក្រោមដីមានការកើនឡើង ។
នៅពេលដែលទឹកទន្លេស្រកទៅវិញជាគំហុកធ្វើឱ្យកម្ពស់ទឹកក្រោមដីស្រកទៅវិញមិនទាន់។ នេះជាហេតុធ្វើឱ្យទឹកក្រោមដីបន្តហូរចូលមកទន្លេវិញ តាមស្រទាប់ដីល្បាយខ្សាច់ ដែលលំហូរនេះធ្វើឱ្យដីស្រទាប់ក្រោមទន់ជ្រាយ និងងាយរអិលបាក់ ។ កត្តាទី៣- គឺស្ថានភាពទន្លេនៅតំបន់រកាកោងនេះ (ឃុំឬស្សីជ្រោយ ព្រែកដំបង និងរការកោង) មានសភាពកោងខ្លាំងដែលធ្វើឱ្យខ្សែទឹកហូរបុកច្រាំងត្រើយខាងលិច រីឯត្រើយខាងកើតមានការដុះខ្សាច់ជាច្រើន ។
ព័ត៌មានពិស្តារនឹងមានផ្សាយជូននៅកាសែតកោះសន្តិភាព។
ចែករំលែកព័តមាននេះ