ខេត្តបន្ទាយមានជ័យ ៖ នាថ្ងៃទី១៤ខែ ធ្នូ ឆ្នាំ ២០១៨ នៅស្នងការដ្ឋាននគរបាលខេត្តបន្ទាយមានជ័យ សមាគមមិត្តនគរបាលជាតិកម្ពុជាបានប្រគល់ថវិកាដល់ក្រុមគ្រួសារសពមន្ត្រីនគរបាលជាតិកម្ពុជា នៃស្នងការដ្ឋាននគរបាលខេត្តបន្ទាយមានជ័យ ក្រោមការអញ្ជើញចូលរួមពីលោកឧត្តមសេនីយ៍ទោ…
ខេត្តបន្ទាយមានជ័យ ៖ នាថ្ងៃទី១៤ខែ ធ្នូ ឆ្នាំ ២០១៨ នៅស្នងការដ្ឋាននគរបាលខេត្តបន្ទាយមានជ័យ សមាគមមិត្តនគរបាលជាតិកម្ពុជាបានប្រគល់ថវិកាដល់ក្រុមគ្រួសារសពមន្ត្រីនគរបាលជាតិកម្ពុជា នៃស្នងការដ្ឋាននគរបាលខេត្តបន្ទាយមានជ័យ ក្រោមការអញ្ជើញចូលរួមពីលោកឧត្តមសេនីយ៍ទោ អាត់ ខែម ស្នងការនគរបាលខេត្តបន្ទាយមានជ័យ និងមានការចូលរួមពីលោកឧត្តមសេនីយ៍ត្រី វង្ស វិត ស្នងការរង ទទួលផែនធនធានមនុស្ស ព្រមទាំងអស់លោកជានាយ នាយរងការិយាល័យ បុគ្គលិក ។
តាមរបាយការណ៍របស់ការិយាល័យបុគ្គលិកអានដោយលោកវរសេនីយ៍ទោ យី ប៊ុនរឿង នាយការិយា
ល័យបុគ្គលិកបានឲ្យដឹងថា ថវិកាចំនួន១២លានរៀលនេះ ត្រូវបានប្រគល់ជូនក្រុមគ្រួសារសពមន្ត្រីនគរបាលចំនួន២នាក់ ដែលបានទទួលមរណភាព ក្នុងនោះមានលោកស្រី ចាន់ ធី ជាជាភរិយារបស់សពលោក អនុសេនីយ៍ត្រី សួន ពោរ មន្ត្រីនគរបាលនៃអធិការដ្ឋាននគរបាលស្រុកម៉ាឡៃ ចំនួន៦លានរៀល និង កញ្ញា នុត សុគន្ធលិកា ត្រូវជាកូនស្រីរបស់សពលោកអនុសេនីយ៍ឯក នុត ទឹង មេបញ្ជាការរងនគរបាលការពារព្រំដែនគោកលេខ៨០៧ ចំនួន៦លានរៀល ។
មានមតិសំណេះសំណាលជាមួយនឹងក្រុមគ្រួសារសព នាឱកាសនោះ លោកឧត្តមសេនីយ៍ទោ អាត់ ខែម ស្នងការនគរបាលខេត្តបន្ទាយមានជ័យ ក្នុងនាមប្រធានសមាគមមិត្តនគរបាលជាតិមូលដ្ឋាន បានសំដែងនូវការចូលរួមរំលែកទុក្ខជាមួយនិងក្រុមគ្រួសារនៃសព និងមានការសោកស្តាយយ៉ាងក្រៃលែង ដែលក្រុមគ្រួសារ បានបាត់បង់ ប្តី ឬឪពុកជាទីស្រឡាញ់ ក៏ដូចជាអង្គភាព វរសេនាតូចការពារព្រំដែនគោកលេខ៨០៧ និងអង្គភាពនៃអធិការដ្ឋាននគរបាលស្រុកម៉ាឡៃ ដែលបានបាត់បង់ថ្នាក់ដឹកនាំ មន្ត្រី ឬក៏មិត្តដែលធ្លាប់ប្រាស្រ័យទាក់ទងនិងបំរើការរួមគ្នាកន្លងមក ។ ព័ត៌មានលម្អិតនឹងមានផ្សាយនៅលើទំព័រកាសែតកោះសន្តិភាព ៕
ចែករំលែកព័តមាននេះ