ខេត្តកំពង់ឆ្នាំង ៖ នាយរងប៉ុស្តិ៍នគរបាលរដ្ឋបាលសង្កាត់ប្អេរលោកមាន ភ័ណ្ឌ ត្រូវបានរថយន្តមួយគ្រឿងបុកអូសជិត១០ម៉ែត្រ បណ្តាលឱ្យស្លា.ប់យ៉ាងអាណោចអាធ័ម និងមន្ត្រីប៉ុស្តិ៍ជាកូនចៅម្នាក់ទៀតឈ្មោះប៉ិន គឹមសាន្ត អាយុ៣០ឆ្នាំ បានរបួសធ្ងន់ដែរ ខណៈដែលប៉ូលិសទាំង២នាក់កំពុងជិះម៉ូតូបំពេញភារកិច្ចដោយចេញល្បាតក្នុងភូមិសាស្ត្ររបស់ខ្លួន ។
ខេត្តកំពង់ឆ្នាំង ៖ នាយរងប៉ុស្តិ៍នគរបាលរដ្ឋបាលសង្កាត់ប្អេរលោកមាន ភ័ណ្ឌ ត្រូវបានរថយន្តមួយគ្រឿងបុកអូសជិត១០ម៉ែត្រ បណ្តាលឱ្យស្លាប់យ៉ាងអាណោចអាធ័ម និងមន្ត្រីប៉ុស្តិ៍ជាកូនចៅម្នាក់ទៀតឈ្មោះប៉ិន គឹមសាន្ត អាយុ៣០ឆ្នាំ បានរបួសធ្ងន់ដែរ ខណៈដែលប៉ូលិសទាំង២នាក់កំពុងជិះម៉ូតូបំពេញភារកិច្ចដោយចេញល្បាតក្នុងភូមិសាស្ត្ររបស់ខ្លួន ។
ហេតុការណ៍នេះបានកើតឡើងកាលពីវេលាម៉ោង៧ និង៣០នាទីយប់ថ្ងៃទី២៨ មិថុនា ២០១៣ ស្ថិតនៅចំណុចផ្ឡូវបែកជា៤ ជិតសួនច្បារកង្រី ក្នុងភូមិឡទឹកត្រី សង្កាត់ប្អេរ ក្រុងកំពង់ឆ្នាំង ។ មកដល់ព្រឹកថ្ងៃទី២៩ មិថុនា ២០១៣ នេះ រថយន្តបង្កនោះចាប់បានហើយ គឺខណៈដែលបើករត់ទៅជាប់ផុងនៅជិតវត្តស្ទឹង ក្នុងភូមិសាស្ត្រ ឃុំបន្ទាយព្រាល ស្រុករលាប្អៀរ ពាក់ស្លាកលេខកំពង់ស្ពឺ 2A 0111 ចំណែកអ្នកបើកបរត្រូវបានរត់គេចខ្លួន ប៉ុន្តែត្រូវបានសមត្ថកិច្ចស្គាល់អត្តសញ្ញាណហើយ ។
បើតាមប្រភពព័ត៌មានបានឱ្យដឹងថា មុនពេលកើតហេតុ ប៉ូលិសទាំង២នាក់បានជិះម៉ូតូពីត្បូងទៅជើង ពេលមកដល់ចំណុចកើតហេតុ ស្រាប់តែមានរថយន្តមួយគ្រឿងម៉ាកកាមរីគូទហើម ពណ៌ស បើកបរដោយជនពុំស្គាល់អត្តសញ្ញាណម្នាក់មកពីទិសខាងជើងទៅត្បូង ក្នុងដំណើរបញ្ច្រាសគ្នាក្នុងល្បឿនយ៉ាងលឿន ហើយរេចង្កូតមកឆ្វេងដៃ ជ្រុលមកបុកម៉ូតូប៉ូលិសទាំង២នាក់នេះ បណ្តាលឱ្យអូសជិត១០ម៉ែត្រ ទើបធ្លាក់របូតចេញពីរថយន្ត ហើយរថយន្តបានបើកគេចខ្លួនបាត់ស្រមោលតែម្តង ៕
ចែករំលែកព័តមាននេះ