រាជធានីភ្នំពេញ ៖ យុវជន ៣នាក់ ជិះម៉ូតូឌ្រីមC125 ១គ្រឿង ពណ៌ខ្មៅ ពាក់ស្លាកលេខ ភ្នំពេញ 1E-2231 ធ្វើដំណើរតាមបណ្តោយផ្លូវព្រះសីហនុ ខណៈមកដល់កែងផ្លូវ១៤៣ ក៏ស្រាប់តែមានបុរសម្នាក់ជិះម៉ូតូ ១គ្រឿង ម៉ាកស៊ីរូស ពាក់ស្លាកលេខ នប (អត់ចាំលេខ) ប្រដាប់ដោយកាយកូម បានដកកាំភ្លើងខ្លី ១ដើម ម៉ាកK54
រាជធានីភ្នំពេញ ៖ យុវជន ៣នាក់ ជិះម៉ូតូឌ្រីមC125 ១គ្រឿង ពណ៌ខ្មៅ ពាក់ស្លាកលេខ ភ្នំពេញ 1E-2231 ធ្វើដំណើរតាមបណ្តោយផ្លូវព្រះសីហនុ ខណៈមកដល់កែងផ្លូវ១៤៣ ក៏ស្រាប់តែមានបុរសម្នាក់ជិះម៉ូតូ ១គ្រឿង ម៉ាកស៊ីរូស ពាក់ស្លាកលេខ នប (អត់ចាំលេខ) ប្រដាប់ដោយកាយកូម បានដកកាំភ្លើងខ្លី ១ដើម ម៉ាកK54 វាយមកលើក្បាលពួកគេទាំង៣ ដោយមិនដឹងមូលហេតុ បណ្តាលឱ្យយុវជនម្នាក់របួសក្បាលធ្ងន់ធ្ងរ និង ២នាក់ទៀត របួសក្បាលដូចគ្នាតែស្រាល ហើយបុរសនោះ បានជិះម៉ូតូចេញទៅបាត់ភ្លាមៗ ។
ហេតុកាណ៍នេះ បានកើតឡើងកាលពីវេលាម៉ោង ១២ និង ២០នាទី យប់រំលងអាធ្រាត្រឈានចូលថ្ងៃទី២៩ មិថុនា ២០១៣ ស្ថិតក្នុងសង្កាត់បឹងកេងកងទី២ ខណ្ឌចំការមន ។ ជនរងគ្រោះទី១ ឈ្មោះ ង៉ែត វណ្ណធី អាយុ ២២ឆ្នាំ មុខរបរជាងសំណង់នៅបុរីប៉េងហួត ជាអ្នកបើកបរ រងរបួសក្បាលធ្ងន់ធ្ងរ ទី២ ឈ្មោះ នាក់ ទូច អាយុ ២១ឆ្នាំ និងទី៣ ឈ្មោះ នី អាយុ ១៨ឆ្នាំ មុខរបរជាងសំណង់នៅបុរីប៉េងហួតដូចគ្នា ៕
ចែករំលែកព័តមាននេះ