រាជធានីភ្នំពេញ ៖ យុវជនម្នាក់បានរងរបួសធ្ងន់ និង ២នាក់ទៀតរបួសស្រាល ខណៈដែលអ្នកទាំង៣ ជិះម៉ូតូអាយខន ១គ្រឿង ពណ៌សលាយទឹកសមុទ្រ ពាក់ស្លាកលេខ ភ្នំពេញ 1W-0271 ធ្វើដំណើរតាមបណ្តោយផ្លូវ១៥៤ ក្នុងទិសដៅពីលិចទៅកើត លុះមកដល់ចំណុចស្តុបរោងកុនលុច្ស ក៏បានជ្រុលចង្កូតទៅបុករថយន្តកូរ៉ូឡា ១គ្រឿង
រាជធានីភ្នំពេញ ៖ យុវជនម្នាក់បានរងរបួសធ្ងន់ និង ២នាក់ទៀតរបួសស្រាល ខណៈដែលអ្នកទាំង៣ ជិះម៉ូតូអាយខន ១គ្រឿង ពណ៌សលាយទឹកសមុទ្រ ពាក់ស្លាកលេខ ភ្នំពេញ 1W-0271 ធ្វើដំណើរតាមបណ្តោយផ្លូវ១៥៤ ក្នុងទិសដៅពីលិចទៅកើត លុះមកដល់ចំណុចស្តុបរោងកុនលុច្ស ក៏បានជ្រុលចង្កូតទៅបុករថយន្តកូរ៉ូឡា ១គ្រឿង ពណ៌ទឹកមាស ពាក់ស្លាកលេខ ភ្នំពេញ 2H-1390 ដែលបើកបញ្រ្ចាស់ទិសគ្នា យ៉ាងពេញទំហឹងបណ្តាលឱ្យម៉ូតូខ្ទេចផ្នែកខាងមុខ ចំណែករថយន្តធ្លាក់កាងមុខខូចខាតដូចគ្នា ។
ហេតុការណ៍គ្រោះថ្នាក់ចរាចរណ៍នេះ បានកើតឡើងកាលពីវេលាម៉ោង ១១ និង ៤០នាទី យប់ថ្ងៃទី២៨ មិថុនា ២០១៣ ស្ថិតក្នុងសង្កាត់ជ័យជំនះ ខណ្ឌដូនពេញ ។ ក្រោយកើតហេតុ សមត្ថកិច្ចជំនាញធ្វើការវាស់វែង នាំយកម៉ូតូ និងរថយន្តទៅរក្សាទុកនៅការិយាល័យចរាចរណ៍ជើងគោករាជធានីភ្នំពេញ ដើម្បីដោះស្រាយតាមផ្លូវច្បាប់ ៕
ចែករំលែកព័តមាននេះ