សហរដ្ឋអាមេរិកកាលពីថ្ងៃទី២៧ មិថុនា បានបន្ថែមទណ្ឌកម្មលើកូរ៉េខាងជើង ដោយដាក់ទណ្ឌកម្មលើបណ្តាសហគ្រាស និងបុគ្គលដែលទាក់ទិនដល់កម្មវិធីពង្រីកមីស៊ីលបាលីស្ទីក និងអាវុធសម្លា.ប់រង្គាលនៅកូរ៉េខាងជើង ។ក្រសួងរតនាគារអាមេរិកបានបញ្ចូលក្នុងបញ្ជីខ្មៅនូវធនាគារកូរ៉េ DAEDONG CREDIT BANK (DCB) ក្រុមហ៊ុនជាសាខា DCB FINANCE LIMITED ព្រមទាំង
សហរដ្ឋអាមេរិកកាលពីថ្ងៃទី២៧ មិថុនា បានបន្ថែមទណ្ឌកម្មលើកូរ៉េខាងជើង ដោយដាក់ទណ្ឌកម្មលើបណ្តាសហគ្រាស និងបុគ្គលដែលទាក់ទិនដល់កម្មវិធីពង្រីកមីស៊ីលបាលីស្ទីក និងអាវុធសម្លាប់រង្គាលនៅកូរ៉េខាងជើង ។ក្រសួងរតនាគារអាមេរិកបានបញ្ចូលក្នុងបញ្ជីខ្មៅនូវធនាគារកូរ៉េ DAEDONG CREDIT BANK (DCB) ក្រុមហ៊ុនជាសាខា DCB FINANCE LIMITED ព្រមទាំងតំណាងរបស់ធនាគារនោះ លោកគឹម ចុលសាម សំដៅបញ្ចប់ការផ្គត់ផ្គង់ហិរញ្ញវត្ថុ ដែលក្រសួងនោះចាត់ទុកថា ជាសកម្មភាពខុសច្បាប់របស់កូរ៉េខាងជើង ។
ក្រសួងរតនាគារក៏ដាក់ទណ្ឌកម្មចំពោះអ្នកទទួលខុសត្រូវខាងកិច្ចការបរទេសរបស់ការិយាល័យថាមពលនុយក្លេអ៊ែរកូរ៉េ លោកសុន មុនសាន ដែលធ្វើនយោបាយស្រាវជ្រាវនុយក្លេអ៊ែររបស់ប្រទេសលោក ។ទណ្ឌកម្មទាំងនោះ គឺហាមឃាត់ពលរដ្ឋអាមេរិកមិនឱ្យចុះហត្ថលេខាលើកិច្ចព្រមព្រៀងទាំងឡាយជាមួយបណ្តាក្រុមហ៊ុន និងបុគ្គលដែលទទួលការដាក់ទណ្ឌកម្ម ហើយផ្អឹបទុកទ្រព្យសម្បត្តិពួកគេនៅលើដែនដីអាមេរិក ។
ក្នុងសេចក្តីប្រកាសមួយ ក្រសួងរតនាគារគូសបញ្ជាក់ថា កម្មវិធីនុយក្លេអ៊ែរ និងមីស៊ីល ព្រមទាំងសកម្មភាពសាយភាយនុយកេ្លអ៊ែររបស់កូរ៉េខាងជើង គឺរំលោភបំពានលើដំណោះស្រាយនានារបស់ក្រុមប្រឹក្សាសន្តិសុខ អ.ស.ប បង្កអស្ថិរភាពក្នុងតំបន់ ហើយធ្វើឱ្យប៉ះពាល់ដល់របបមិនសាយភាយនុយក្លេអ៊ែររបស់ពិភពលោក ៕
ចែករំលែកព័តមាននេះ