ខេត្តកំពង់ស្ពឺ ៖ បុរសម្នាក់ត្រូវក្រុមគ្រួសារប្រទះឃើញចង.កនឹងខ្សែគោភ្ជាប់នៅនឹងដើមអម្ពិលស្លា.ប់ចោលប្រពន្ធនិងកូនដោយមិនដឹងមូលហេតុ និងបង្កឱ្យមានការភ្ញាក់ផ្អើល កាលពីវេលាម៉ោង៦ព្រឹកថ្ងៃទី២៨ មិថុនា នៅក្រោយភូមិយូរលើ ឃុំព្នាយ ស្រុងសំរោងទង ។ បុរសដែលធ្វើអត្តឃាតនេះឈ្មោះ តិ ប៊ុនធៀន អាយុ៣៥ឆ្នាំ រស់នៅក្នុងភូមិ-ឃុំខាងលើ ហើយបើតាមប្រភពព័ត៌មានឱ្យដឹង
ខេត្តកំពង់ស្ពឺ ៖ បុរសម្នាក់ត្រូវក្រុមគ្រួសារប្រទះឃើញចង.កនឹងខ្សែគោភ្ជាប់នៅនឹងដើមអម្ពិលស្លាប់ចោលប្រពន្ធនិងកូនដោយមិនដឹងមូលហេតុ និងបង្កឱ្យមានការភ្ញាក់ផ្អើល កាលពីវេលាម៉ោង៦ព្រឹកថ្ងៃទី២៨ មិថុនា នៅក្រោយភូមិយូរលើ ឃុំព្នាយ ស្រុងសំរោងទង ។ បុរសដែលធ្វើអត្តឃាតនេះឈ្មោះ តិ ប៊ុនធៀន អាយុ៣៥ឆ្នាំ រស់នៅក្នុងភូមិ-ឃុំខាងលើ ហើយបើតាមប្រភពព័ត៌មានឱ្យដឹងថា បុរសរូបនេះធ្លាប់បានព្យាយាមចង.កធ្វើអត្តឃាតចំនួនពីរដងមកហើយ ប៉ុន្តែបានក្រុមគ្រួសារជួយទាន់ពេលវេលា ។
តាមកូនប្រុសឈ្មោះ ថន ប៊ុនថាវ អាយុ១៥ឆ្នាំឱ្យដឹងថា កាលពីយប់ថ្ងៃទី២៧ មិថុនា ឪពុករបស់គេបានសម្រាកនៅលើអង្រឹង ចំណែករូបគេនិងប្អូនព្រមទាំងម្តាយសម្រាកនៅលើគ្រែ ។ លុះដល់ម៉ោង៥ភ្លឺម្តាយរបស់គេបានដាស់ដោយប្រាប់ថា បាត់ឪពុកឯងហើយ ពេលនោះរូបគេក៏បានរត់សំដៅទៅដើមអម្ពិលខាងក្រោយភូមិ ដែលឪពុករបស់គេធ្លាប់ប៉ុនប៉ងចង.ក និងបានប្រទះឃើញគាត់ចង.ក ស្លាប់ទៅហើយ ។ យុវជន ប៊ុនថាវ បន្តទៀតថា ពេលនោះរូបគេបានរត់មកប្រាប់ជីតាឈ្មោះ សួស និងបានរាយការណ៍ប្រាប់មេភូមិ ហើយលោកមេភូមិក៏បានរាយការណ៍ប្រាប់សមត្ថកិច្ចឱ្យចុះមកពិនិត្យសព។
លោក ប៉ិុច សុភ័ន អធិការរងនគរបាលស្រុកសំរោងទង បានឱ្យដឹងថា បើតាមគ្រួសារសពបំភ្លឺថា ជនរងគ្រោះធ្លាប់ធ្វើសកម្មភាពចង.កបែបនេះចំនួន២ដងរួចមកហើយ តែត្រូវបានជួយសង្គ្រោះទាន់ ។ ក្រោយពីពិនិត្យរួច សពត្រូវបានប្រគល់ជូនក្រុមគ្រួសាររៀបចំធ្វើបុណ្យដោយមានការជួយជ្រោមជ្រែងពីសំណាក់អ្នកភូមិដោយសារតែក្រុមគ្រួសារមួយនេះជាគ្រួសារទីទ័លក្ររកព្រឹកខ្វះល្ងាច។
ទោះជាយ៉ាងណាក៏ដោយ ក៏ប្រពន្ធនិងកូនរបស់សពមិនបានដឹងថា ប្តីឬឪពុករបស់ខ្លួនមានវិបត្តិអ្វីនោះទេ ទើបសម្រេចចិត្តបញ្ចប់ជីវិតចោលពួកគេបែបនេះ ៕
ចែករំលែកព័តមាននេះ