ខេត្តបាត់ដំបង ៖ មន្រ្តីយោធាម្នាក់នៅអង្គភាពកងកាំភ្លើងធំ ត្រូវរថយន្តបើកកៀរដួលរួចកិនស្លា.ប់នៅលើផ្លូវជាតិលេខ៥៧ ពេលកំពុងធ្វើដំណើរស្របទិសគ្នា កាលពីវេលាម៉ោង៩និង២០នាទីយប់ថ្ងៃទី២៧ មិថុនា នៅភូមិក្រពើកើត ឃុំភ្នំសំពៅ ស្រុកបាណន់ ។
ជនរងគ្រោះឈ្មោះប្រាជ្ញ សុភី អាយុ៤១ឆ្នាំ រស់នៅភូមិភ្នំសំពៅកើត ឃុំភ្នំសំពៅ ជាមន្រ្តីយោធាកងកាំភ្លើងធំ ឋានៈវរសេនាតូច
ខេត្តបាត់ដំបង ៖ មន្រ្តីយោធាម្នាក់នៅអង្គភាពកងកាំភ្លើងធំ ត្រូវរថយន្តបើកកៀរដួលរួចកិនស្លាប់នៅលើផ្លូវជាតិលេខ៥៧ ពេលកំពុងធ្វើដំណើរស្របទិសគ្នា កាលពីវេលាម៉ោង៩និង២០នាទីយប់ថ្ងៃទី២៧ មិថុនា នៅភូមិក្រពើកើត ឃុំភ្នំសំពៅ ស្រុកបាណន់ ។
ជនរងគ្រោះឈ្មោះប្រាជ្ញ សុភី អាយុ៤១ឆ្នាំ រស់នៅភូមិភ្នំសំពៅកើត ឃុំភ្នំសំពៅ ជាមន្រ្តីយោធាកងកាំភ្លើងធំ ឋានៈវរសេនាតូច ដែលមានមូលដ្ឋាននៅស្រុករតនមណ្ឌល ជិះម៉ូតូម៉ាកហុងដាឌ្រីមសេ១២៥ ពណ៌ខ្មៅពាក់ស្លាកលេខបាត់ដំបង1J-3771 ធ្វើដំណើរពីបន្ទាយត្រឡប់ទៅមកផ្ទះ ។
សមត្ថកិច្ចមូលដ្ឋានឱ្យដឹងថា មុនពេលកើតហេតុ មន្រ្តីយោធារូបនេះជិះម៉ូតូពីត្បូងទៅជើងក្នុងល្បឿនធម្មតា លុះមកដល់ចំណុចកើតហេតុ ក៏ត្រូវរថយន្តមិនស្គាល់ម៉ាកបើកមកពីក្រោយជ្រុលកៀរដួលរួចកិនចំក្បាល បណ្ដាលឲ្យស្លាប់ភ្លាមៗតែម្ដង ហើយរថយន្តបានបន្ថែមល្បឿនបើករត់គេចបាត់ស្រមោល ។មន្រ្តីជំនាញអះអាងថា សមត្ថកិច្ចនឹងព្យាយាមស្រាវជ្រាវស្វែងរករថយន្តបង្កឲ្យមកទទួលខុសត្រូវតាមផ្លូវច្បាប់ ចំណែកម៉ូតូត្រូវប្រគល់ឱ្យក្រុមគ្រួសារយកទៅរក្សាទុក ៕
ចែករំលែកព័តមាននេះ