ទីភ្នាក់ងារព័ត៌មានបរទេស កាលពីថ្ងៃទី២៦ មិថុនាផ្សាយថា ប្រ៊ីធីស អ៊ែរវ៉ែ(BA) ក្រុមហ៊ុនអាកាសចរណ៍ចក្រភពអង់គ្លេស កំពុងក្លាយជាក្រុមហ៊ុនអាកាសចរណ៍ដំបូង នៅតំបន់អឺរ៉ុប ដែលអនុញ្ញាតឱ្យអ្នកដំណើរបើកទូរស័ព្ទ និងប្រើឧបករណ៍អេឡិចត្រូនិកសម្រាប់ទាក់ទងបាននៅពេលដែលយន្តហោះចុះចត ។
ទីភ្នាក់ងារព័ត៌មានបរទេស កាលពីថ្ងៃទី២៦ មិថុនាផ្សាយថា ប្រ៊ីធីស អ៊ែរវ៉ែ(BA) ក្រុមហ៊ុនអាកាសចរណ៍ចក្រភពអង់គ្លេស កំពុងក្លាយជាក្រុមហ៊ុនអាកាសចរណ៍ដំបូង នៅតំបន់អឺរ៉ុប ដែលអនុញ្ញាតឱ្យអ្នកដំណើរបើកទូរស័ព្ទ និងប្រើឧបករណ៍អេឡិចត្រូនិកសម្រាប់ទាក់ទងបាននៅពេលដែលយន្តហោះចុះចត ។
សេចក្តីថ្លែងការរបស់ BA បានបញ្ជាក់ក្រោយពីទទួលលិខិតអនុញ្ញាតិពីនាយកដ្ឋានអាកាសចរណ៍ស៊ីវិល(CAA) ដែលអនុញ្ញាតឱ្យអ្នកដំណើរគ្រប់ជើងហោះហើររបស់ BA អាចបើកឧបករណ៍ទំនាក់ទំនង និងទូរស័ព្ទចល័តបានភ្លាមនៅពេលដែលយន្តហោះបានចុះចត ដោយមិនចាំបាច់រង់ចាំឱ្យយន្តហោះចូលទៅដល់ច្រកទ្វាររៀបរយនោះទេ ដោយចូលជាធរមានចាប់ពីថ្ងៃទី១ កក្កដាតទៅ ។
ទោះជាយា៉ងណាក៏ដោយ បម្រាមបិទទូរស័ព្ទនិងអេឡិចត្រូនិកផ្សេងទៀត នឹងនៅតែដំណើរការដូចមាន ខណៈពេលដែលកំពុងហោះហើរលើអាកាស ។ BA បានគូសបញ្ជាក់ទៀតថា ច្បាប់ហាមប្រើទូរស័ព្ទនៅលើយន្តហោះនៅគ្រប់ក្រុមហ៊ុនអាកាសចរណ៍បានប្រើតាំងពីឆ្នាំ ១៩៦៦ ។ ក្រៅពីនេះនាយកដ្ឋានគ្រប់គ្រងការហោះហើរ (FAA) របស់អាមេរិកក៏កំពុងស្ថិតក្នុងការពិចារណាបន្ធូរបន្ថយ បទបញ្ញាតិលើបញ្ហានេះដូចគ្នាដែរ ៕
ចែករំលែកព័តមាននេះ