ខេត្តកំពង់ធំ ៖ ក្នុងសម្លៀកបំពាក់សំពត់ហូលអមដោយអាវយឺតពណ៌ស មានរូបសញ្ញាគណបក្សប្រជាជនកម្ពុជាយ៉ាងស្រស់ស្អាតរបស់កញ្ញាស៊ុន ស្រីពេជ្រ កាលពីថ្ងៃទី២៧ មិថុនា ដែលកញ្ញាបានបង្ហាញវត្តមានយ៉ាងស្រស់ស្អាតដោយមិនមានអ្វីកើតឡើង ហើយរាំច្រៀងយ៉ាងសប្បាយលើវេទិកាគណបក្សប្រជាជនកម្ពុជាក្នុងយុទ្ធនាការឃោនារកសំឡេងឆ្នោតថ្ងៃដំបូងនៅក្នុងទឹកដីខេត្ត
ខេត្តកំពង់ធំ ៖ ក្នុងសម្លៀកបំពាក់សំពត់ហូលអមដោយអាវយឺតពណ៌ស មានរូបសញ្ញាគណបក្សប្រជាជនកម្ពុជាយ៉ាងស្រស់ស្អាតរបស់កញ្ញាស៊ុន ស្រីពេជ្រ កាលពីថ្ងៃទី២៧ មិថុនា ដែលកញ្ញាបានបង្ហាញវត្តមានយ៉ាងស្រស់ស្អាតដោយមិនមានអ្វីកើតឡើង ហើយរាំច្រៀងយ៉ាងសប្បាយលើវេទិកាគណបក្សប្រជាជនកម្ពុជាក្នុងយុទ្ធនាការឃោនារកសំឡេងឆ្នោតថ្ងៃដំបូងនៅក្នុងទឹកដីខេត្តកំពង់ធំ ។
វត្តមាននេះបានបង្ហាញឱ្យកាន់តែច្បាស់ថែមទៀតថា កញ្ញាស៊ុន ស្រីពេជ្រ មិនមានអ្វីកើតឡើងចំពោះនាង ដូចដែលពាក្យចចាម អារ៉ាមនោះឡើយ ។ កញ្ញាស៊ុន ស្រីពេជ្រ បាននិយាយថា នាងមានចិត្តសប្បាយរីករាយយ៉ាងខ្លាំងនៅពេលដែលបានឃើញប្រជាពលរដ្ឋយ៉ាងច្រើនកុះករមកគាំទ្រដល់គណបក្សប្រជាជនកម្ពុជា ។
សូមបញ្ជាក់ថា ប៉ុន្មានថ្ងៃកន្លងមក តារាចម្រៀងស្រគត់ស្រគំក្នុងផលិតកម្មហង្សមាសកញ្ញាស៊ុន ស្រីពេជ្រ បានទទួលរងនូវពាក្យចចាមថា នាងត្រូវជនមិនស្គាល់មុខបាញ់ប្រហារនៅខេត្តក្រចេះកាលពីវេលាថ្ងៃត្រង់ថ្ងៃទី២៦ មិថុនា ២០១៣ ។
គ្រាន់តែទទួលដំណឹងនេះភ្លាម ក្រុមគ្រួសាររបស់នាងបានចេញមកបដិសេធទាំងតក់ស្លុតចំពោះពាក្យចចាមអារ៉ាមខាងលើនេះ ប៉ុន្តែក្រុមគ្រួសាររបស់នាងបានទទួលស្គាល់ថា ស៊ុន ស្រីពេជ្រ ពិតជាបានចេញពីផ្ទះទៅសម្តែងនៅឯប្រាកដមែន ៕
ចែករំលែកព័តមាននេះ