រាជធានីភ្នំពេញ ៖ រថយន្តម៉ាកBMW ពណ៌ខ្មៅ ពាក់ស្លាកលេខភ្នំពេញ ២V-៣៦៦៦ បើកព័ទ្ធរង្វង់មូលសំពៅមាស ជ្រុលទៅបុកគ្នាជាមួយរថយន្តឡិចស៊ីសធុន RX ៣០០ ពណ៌ខ្មៅ ពាក់ស្លាកលេខភ្នំពេញ២M-៦៩២៤ ចំពីមុខពេញទំហឹង ធ្វើឱ្យរថយន្តទាំងពីរគ្រឿងខូចខាតមួយកំណាត់មុខ និងរងរបួសក្មេងប្រុសម្នាក់ជិះក្នុងរថយន្តឡិចស៊ីស ។ គ្រោះថ្នាក់នេះកើតឡើងកាលពីវេលាម៉ោង
រាជធានីភ្នំពេញ ៖ រថយន្តម៉ាកBMW ពណ៌ខ្មៅ ពាក់ស្លាកលេខភ្នំពេញ ២V-៣៦៦៦ បើកព័ទ្ធរង្វង់មូលសំពៅមាស ជ្រុលទៅបុកគ្នាជាមួយរថយន្តឡិចស៊ីសធុន RX ៣០០ ពណ៌ខ្មៅ ពាក់ស្លាកលេខភ្នំពេញ២M-៦៩២៤ ចំពីមុខពេញទំហឹង ធ្វើឱ្យរថយន្តទាំងពីរគ្រឿងខូចខាតមួយកំណាត់មុខ និងរងរបួសក្មេងប្រុសម្នាក់ជិះក្នុងរថយន្តឡិចស៊ីស ។ គ្រោះថ្នាក់នេះកើតឡើងកាលពីវេលាម៉ោង១០យប់ ថ្ងៃទី២៧ មិថុនា តាមផ្លូវលេខ១៦១ មុខវត្តសំពៅមាស ក្នុងសង្កាត់វាលវង់ ខណ្ឌ៧មករា ។
ប្រភពព័ត៌មានពីនគរបាលចរាចរក្រុងឱ្យដឹងថា មុនពេលកើតហេតុរថយន្តBMW បើកព័ទ្ធតាមរង្វង់មូលសំពៅមាសពីត្បូងទៅ ជើង ចំណែករថយន្តឡិចស៊ីសធុន RX ៣០០ បើកក្នុងទិសដៅបញ្ច្រាសគ្នាពីជើងទៅត្បូង ខណៈពេលមកដល់ចំណុចផ្លូវកោងរង្វង់មូល រថយន្តទាំងពីរគ្រឿងបើកលឿនក៏ជ្រុលបុកគ្នាចំពីមុខពេញទំហឹង បណ្តាលឱ្យរថយន្តBMW ខ្ទាតឡើងទៅលើខឿនរបងវត្តសំពៅមាសបុកបាក់ដង់ទង់ជាតិ២ទៅមុខលែងរួច ។ រថយន្តទាំងពីរគ្រឿងខូចខាតផ្នែកខាងមុខ ហើយរថយន្តឡិចស៊ីសរងរបួសក្មេងប្រុសម្នាក់ត្រូវបញ្ជូនទៅព្យាបាលនៅមន្ទីរពេទ្យ ។
អ្វីដែលគួរឱ្យភ្ញាក់ផ្អើល ក្រោយពេលកើតហេតុអ្នកបើករថយន្តទាំងពីរគ្រឿងហាក់ដូចជាមានកំហឹងរៀងខ្លួនបានចុះទៅចាប់គ្នារុញទៅវិញទៅមកប្រុងប្រទូស្តរាយ តែត្រូវសមត្ថកិច្ចអន្តរាគមន៍ ។ រថយន្តទាំងពីរគ្រឿងត្រូវសមត្ថកិច្ចធ្វើការវាស់វែងយកទៅរក្សាទុកនៅការិយាល័យនគរបាលចរាចរផ្លូវគោករង់ចាំធ្វើការដោះស្រាយតាមច្បាប់ ៕
ចែករំលែកព័តមាននេះ