ព្រះសីហនុចិនមួយចំនួនអុកឡុក…ក្រុងបាវិតឯណោះវិញសម្បូរចិនខុសច្បាប់(មានវីដេអូ)
- ស្វាយរៀង
ខេត្តស្វាយរៀង ៖ ក្រុមការងារអធិការកិច្ច ហត្ថពលកម្មបរទេសបានចុះធ្វើអធិការកិច្ច និងត្រួតពិនិត្យជនបរទេសដែលមកស្នាក់នៅប្រកបមុខរបររកស៊ី និងធ្វើការងារនៅក្នុងកាសីណូមួយក្នុងចំណោមកាស៊ីណូ១២នៃរដ្ឋបាលក្រុងបាវិតបានរកឃើញជនបរទេសជាជនជាតិចិនកាន់លិខិត ឆ្លងដែនប្រភេទE ចំនួន២៥៥៤នាក់ ក្នុងនោះអត់មានសៀវភៅការងារចំនួន១២៧៣នាក់កំពុងស្នាក់នៅធ្វើការងារដោយខុសច្បាប់ត្រូវចាប់ធ្វើការផាកពិន័យតាមច្បាប់ស្តីពីអន្តោប្រវេសន៍ ។…
ហើយនៅថ្ងៃទី៦ និងទី៧ ខែធ្នូ ឆ្នាំ២០១៨ សមត្ថកិច្ចក្រុមការងារអធិការកិច្ចហត្ថពលកម្មបរទេសមកពីអគ្គនាយកដ្ឋានអន្តោប្រវេសន៍ក្រសួងមហាផ្ទៃ, អគ្គនាយកដ្ឋានការងារ, ស្នងការដ្ឋាននគបាលខេត្ត មន្ទីរការងារ និងបណ្តុះបណ្តាលវិជ្ជាជីវៈខេត្តសម្របសម្រួលដោយលោក គង់ ខេមរិទ្ធ ព្រះរាជអាជ្ញាអមសាលាដំបូងខេត្តស្វាយរៀងបានចុះធ្វើអធិការកិច្ចត្រួតពិនិត្យជនបរទេសដែលស្នាក់នៅប្រកបមុខរបររកស៊ី និងធ្វើការងារតាមកាស៊ីណូ សណ្ឋាគារ ផ្ទះសំណាក់ រោងចក្រសហគ្រាស។ល។
បើតាមរបាយការណ៍របស់សមត្ថកិច្ចនគរបាលអន្តោប្រវេសន៍មានជនបរទេសស្នាក់នៅប្រកបមុខរបររកស៊ី និងធ្វើការងារឆ្នាំ២០១៨នៅក្រុងបាវិតមានចំនួនជិត២ម៉ឺននាក់ ហើយមកធ្វើសៀវភៅការងារតែចំនួន១១០១៥នាក់ ដូច្នេះជនបរទេសជាង៨ពាន់នាក់កំពុងប្រកបមុខរបររកស៊ីនិងធ្វើការងារអត់ចុះបញ្ជីធ្វើសៀវភៅការងារត្រឹមត្រូវនៅក្រុងបាវិត ។
ចែករំលែកព័តមាននេះ