លោក វ៉ាង ហ្សាវយ៉ាវ ប្រធានការិយាល័យនៃកម្មវិធីអវកាសបញ្ជូនមនុស្សទៅរបស់ចិនរាយការណ៍កាលពីថ្ងៃទី២៦ មិថុនាថា ប្រទេសចិននឹងបន្តអភិវឌ្ឍព្រមទាំងកសាងស្ថានីយអវកាសមួយ រួចមានបំណងបា.ញ់បង្ហោះស្ថានីយអវកាសពិសោធន៍ TIANGONG-2 នាឆ្នាំ២០១៥ ខាងមុខនេះ ។
លោក វ៉ាង ហ្សាវយ៉ាវ ប្រធានការិយាល័យនៃកម្មវិធីអវកាសបញ្ជូនមនុស្សទៅរបស់ចិនរាយការណ៍កាលពីថ្ងៃទី២៦ មិថុនាថា ប្រទេសចិននឹងបន្តអភិវឌ្ឍព្រមទាំងកសាងស្ថានីយអវកាសមួយ រួចមានបំណងបាញ់បង្ហោះស្ថានីយអវកាសពិសោធន៍ TIANGONG-2 នាឆ្នាំ២០១៥ ខាងមុខនេះ ។
ក្នុងសន្និសីទសារព័ត៌មានមួយក្រោយការវិលត្រឡប់មកកាន់ផែនដីវិញ ដោយជោគជ័យរបស់យានអវកាស SHENZHOU-10 ក្រោយបំពេញបេសកកម្មនៅទីអវកាសរយៈពេល១៥ថ្ងៃ លោក វ៉ាង គូសបញ្ជាក់ថា ប្រការនោះវាសមស្របទៅនឹងផែនការទូទៅនៃកម្មវិធីអវកាសបញ្ជូនមនុស្សទៅរបស់ចិន រួចចិនមានបំណងដាក់ក្នុងតារាវិថីនូវស្ថានីយអវកាសពិសោធន៍១ទៀត នាឆ្នាំ២០១៨ ។ ដល់ឆ្នាំ២០២០ ស្ថានីយអវកាសមានមនុស្សប្រចាំការមួយរបស់ចិន នឹងត្រូវកសាង ។
ចំណែកអគ្គនាយករង នៃក្រុមហ៊ុន CASC របស់ចិន លោក GUAN JIE អះអាងកាលពីថ្ងៃទី២៦ មិថុនាថា ចិននឹងបាញ់បង្ហោះកាំជ្រួចអវកាស ជំនាន់ថ្មីដែលមានសមត្ថភាពបញ្ជូនកាន់តែខ្ពស់ ក្នុងដំណាក់កាលនៃផែនការ៥ឆ្នាំទី១២ (២០១១-២០១៥) ។ លោកថ្លែងថា បណ្តាកាំជ្រួចបច្ចុប្បន្នដែលប្រើប្រាស់ពុំអាចឆ្លើយតបចំពោះសេចក្តីត្រូវការនៃអនាគតស្ថានីយអវកាស មានមនុស្សប្រចាំការមួយឡើយ ដូច្នេះយើងត្រូវការបណ្តាកាំជ្រួចដែលមានសមត្ថភាពបញ្ជូនកាន់តែខ្ពស់ ។ លោកបានបង្ហាញពីគំរូថ្មីៗនៃគ្រួសារកាំជ្រួច LONGUE MARCHE ដែលមានសមត្ថភាពបញ្ជូនកាន់តែខ្ពស់ ដូចជាកាំជ្រួច LONGUE MARCHE-5 និង LONGUE MARCHE-7 ជាដើម ៕
ចែករំលែកព័តមាននេះ