រាជធានីភ្នំពេញ ៖ បុរសពីរក្រុមដេញវាយតប់គ្នាតាមដងផ្លូវប្រដាប់ដោយដំបង ដុំថ្ម និងខ្សែក្រវាត់ បណ្តាលឲ្យរងរបួសបែកក្បាលចំនួន៣នាក់ ក៏ត្រូវសមត្ថកិច្ចចុះទៅអន្តរាគមន៍ចាប់ឃាត់ខ្លួនបានចំនួន៧នាក់ និងដកហូតម៉ូតូ៥គ្រឿង ។ ហេតុការណ៍នេះបង្កឱ្យមានការភ្ញាក់ផ្អើលកាលពីវេលាម៉ោង១២និង១០នាទីរំលងអធ្រាត្រឈានចូលថ្ងៃទី១២…
រាជធានីភ្នំពេញ ៖ បុរសពីរក្រុមដេញវាយតប់គ្នាតាមដងផ្លូវប្រដាប់ដោយដំបង ដុំថ្ម និងខ្សែក្រវាត់ បណ្តាលឲ្យរងរបួសបែកក្បាលចំនួន៣នាក់ ក៏ត្រូវសមត្ថកិច្ចចុះទៅអន្តរាគមន៍ចាប់ឃាត់ខ្លួនបានចំនួន៧នាក់ និងដកហូតម៉ូតូ៥គ្រឿង ។
ហេតុការណ៍នេះបង្កឱ្យមានការភ្ញាក់ផ្អើលកាលពីវេលាម៉ោង១២និង១០នាទីរំលងអធ្រាត្រឈានចូលថ្ងៃទី១២ ខែធ្នូ ឆ្នាំ២០១៨ ត្រង់ចំណុចទល់មុខស្ថានីយប្រេងឥន្ធនៈតូតាល់ តាមបណ្តោយផ្លូវ២០០៤ ស្ថិតក្នុងសង្កាត់អូបែកក្អម ខណ្ឌសែនសុខ។
តាមប្រភពព័ត៌មានពីសមត្ថកិច្ចមូលដ្ឋានបានរៀបរាប់ប្រាប់អោយដឹងថា នៅមុនពេលកើតហេតុ មានប្រជាពលរដ្ឋបានរាយការណ៍មកប្រាប់ថា មានបុរស២ក្រុម ក្នុងនោះមួយក្រុមមានគ្នាជិត១០នាក់ ប្រដាប់ដោយដំបង ដុំថ្ម និងខ្សែក្រវាត់ កំពុងតែដេញវាយតប់គ្នានៅត្រង់ចំណុចកើតហេតុខាងលើ ។
ភ្លាមៗនោះកម្លាំងសមត្ថកិច្ចក៏ចុះទៅធ្វើការអន្តរាគមន៍ចាប់ឃាត់ខ្លួនបុរសខាងល់បានចំនួន៧នាក់ ក្នុងនោះ៣នាក់រងរបួសបែកក្បាលឈាមហូរស្រោចខ្លួន និងដកហូតបានម៉ូតូប្រភេទម៉ូតូធំ ចំនួន៥គ្រឿង ដោយ
ឡែកបក្ខពួកប៉ុន្មាននាក់ទៀតបានជិះម៉ូតូរត់គេចខ្លួនបាត់សម្រោល ពេលឃើញកម្លាំងសមត្ថកិច្ចចុះទៅដល់។
ក្រោយពេលកើត បុរសទាំង៧នាក់រួមទាំងវត្ថុតាងត្រូវបានកម្លាំងសមត្ថកិច្ចនាំខ្លួនយកទៅសួរនាំនិងឃុំខ្លួនបណ្ដោះអាសន្ននៅអធិការដ្ឋាននគរបាលខណ្ឌសែនសុខ ដើម្បីរង់ចាំធ្វើការចាត់ការជាបន្តទៀត ៕
ចែករំលែកព័តមាននេះ