ខេត្តកណ្តាល ៖ មានគ្រហស្សនេះ ជាព្រះសង្ឃត្រូវចាញ់បោកក្រុមជនទុច្ចរិតអស់ប្រាក់៥០០០ដុល្លារអាមេរិក រឿងចង់វត្ថុសក្តិសិទ្ធិ ។ តែជាក់ស្តែង រឿងរ៉ាវមួយបានកើតឡើងកាលពីរសៀលថ្ងៃទី១១ ធ្នូ ដោយត្រូវកម្លាំងសមត្ថកិច្ចនគរបាលស្រុកពញាឮ សហការជាមួយនគរបាលព្រហ្មទណ្ឌខេត្តកណ្តាល បានធ្វើការស្រាវជ្រាវ រហូតឈានដល់ការឃាត់ខ្លួនជនសង្ស័យបានចំនួន៣នាក់ ពាក់ព័ន្ធករណីយកវត្ថុកែច្នៃទៅឆបោកព្រះសង្ឃជាចៅអធិការវត្តថា ជាវត្ថុសក្ត័សិទ្ធិ ។
ប្រភពឱ្យដឹងថា ជនសង្ស័យទាំង៣នាក់ ១-ឈ្មោះ រ៉ូន រ៉សេត ភេទប្រុស អាយុ៤១ឆ្នាំ ជនជាតិឥស្លាម មានទីលំនៅក្នុងភូមិព្រែកតាពៅ សង្កាត់ព្រែកប្រា ខណ្ឌច្បារអំពៅ រាជធានីភ្នំពេញ ។ ២-ឈ្មោះ ជេត សាវឿន ភេទប្រុស អាយុ៤២ឆ្នាំ ជនជាតិខ្មែរ មុខរបរកសិករ មានទីលំនៅភូមិព្រែកជីក ឃុំកោះចិន ស្រុកពញាឮ ខេត្តកណ្តាល និង៣-ឈ្មោះហុឹម ហុី ភេទប្រុស អាយុ៧២ឆ្នាំ ជនជាតិខ្មែរ មុខរបរទិញអេតចាយ មានទីលំនៅភូមិទួលសង្កែ សង្កាត់ទួលសង្កែ ខណ្ឌប្ញស្សីកែវ រាជធានីភ្នំពេញ ។ រីឯខាងភាគីជនរងគ្រោះ ក្នុងអំពើឆបោកនេះ គឺជាព្រះតេជគុណព្រះនាម ស៊ុន ហុក ព្រះចៅអធិការវត្តពោធិកំបោ ភូមិពោធិកំបោ ឃុំវិហារលួង ស្រុកពញាឮ ខេត្តកណ្តាល ។
ក្នុងការឃាត់ខ្លួនជនសង្ស័យ ត្រូវសមត្ថកិច្ចដកហូតបានវត្ថុតាងមាន ១-កូនកាបូបស្ពាយ ពណ៌ខ្មៅ១,ប្រម៉ាត់សត្វជ្រូកស្រុក៥, ស្នែងសត្វគោ១, ដុំថ្មពណ៌ខ្មៅ១ដុំ, គ្រាប់អង្កាំ១ថង់តូច, ម៉ែត្រតូច១, ឆ្អឹងសត្វពណ៌ខ្មៅ១ ១០, ជញ្ជីងសំរាប់ថ្លឹងត្បូង១, ដុំពណ៌.ស មានរូបរាងដូចចង្កូមសត្វខ្លា (តូច១គូ មធ្យម១គូ និងធំ១គូ), ទូរសព្ទ័៦គ្រឿង, ម៉ាកXTG១គ្រឿង, ម៉ាកOPPOA3S១គ្រឿង, ម៉ាក Nokia០១គ្រឿង, ម៉ាកcamfone១គ្រឿង, ម៉ាក samsung១គ្រឿង, ម៉ាកHAuwai០១គ្រឿង, កូនថង់តូចៗ១ដុំ និងអត្តសញ្ញាណប័ណ្ណសញ្ជាតិខ្មែរ១សន្លឹក ។
នៅថ្ងៃខែធ្នូ ឆ្នាំ២០១៨ ឈ្មោះជេត សាវឿន បានទៅផឹកកាហ្វេ នៅម្តុំគល់ស្ពានព្រែកក្តាម ពេលនោះបានជួប និងឈ្មោះ អឿន ភេទប្រុស រស់នៅភូមិ ឃុំជាមួយគ្នា ហើយឈ្មោះអឿន បាននិយាយ ប្រាប់ខ្លួនថា មានព្រះចៅអធិការវត្តពោធិកំបោ ព្រះអង្គចង់បានចង្កូមសត្វខ្លា និងកុយរមាស បើមានយកទៅប្រគេនអង្គ មើល ព្រោះព្រះអង្គចង់ជាវ ។ សមត្តកិច្ចឲ្យដឹងទៀតថា ឮដូច្នេះនៅថ្ងៃទី២៧ វិច្ឆិកាវេលាម៉ោងប្រហែល១១ និង៣០នាទីព្រឹក ឈ្មោះ ជេត សាវឿន បានទៅជួបព្រះចៅ អធិការព្រះនាម ស៊ុន ហុក គង់នៅវត្តពោធិ កំបោ ហើយបានទូលព្រះអង្គ តើព្រះអង្គចង់បានចង្កូមសត្វខ្លាឬ? ព្រះចៅអធិការតបថា ចង់បានចង្កូមសត្វខ្លាដែលសុទ្ធល្អ ។
បន្ទាប់មក នៅថ្ងៃទី០៧ ខែធ្នូ ឆ្នាំ២០១៨ វេលាម៉ោង៨ព្រឹក ឈ្មោះ ជេត សាវឿន បានទំនាក់ទំនងប្រើប្រាស់លេខទូរសព្ទ័ទៅឈ្មោះ រ៉ូន រ៉សេត ដោយណាត់ជួបគ្ នានៅតូបកាហ្វេ ម្តុំក្រោយផ្សារគីឡូលេខ៧ ហើយឈ្មោះ ជេត សាវឿន បាននិយាយប្រាប់ឈ្មោះ រ៉ូន រ៉សេត ថា មានព្រះសង្ឃគង់នៅវត្តពោធិកំបោ ចង់បានចង្កូមសត្វខ្លា បន្ទាប់មកឈ្មោះ រ៉ូន រ៉សេតក៏បានឲ្យចង្កូមសត្វខ្លាក្លែងក្លាយចំនួន៣គូរឲ្យទៅឈ្មោះ ជេត សាវឿន ដាក់លក់តម្លៃ ៤.២០០ដុល្លារអាមេរិ រួចឈ្មោះ ជេត សាវឿន បានយកចង្កូមសត្វខ្លា៣គូរជារបស់ឈ្មោះ រ៉ូន រ៉សេត ទៅលក់ឲ្យព្រះ ចៅអធិការព្រះនាម ស៊ុន ហុក តម្លៃប្រាក់ ៥.០០០ដុល្លារអាមេរិក ហើយឈ្មោះ ជេត សាវឿន បានយកប្រាក់ ៤.២០០ ដុល្លារ ទៅឲ្យឈ្មោះ រ៉ូន រ៉សេត ដោយពេលនោះឈ្មោះ រ៉ូន រ៉សេត បានដកប្រាក់៣០០ដុល្លារ ឲ្យទៅឈ្មោះ ជេត សាវឿន ថ្លៃឈ្នួលយកទៅលក់ ។
លុះដល់ថ្ងៃ ខែ ឆ្នាំដដែលពេលល្ងាច ព្រះចៅអធិការ ស៊ុន ហុក បានទូរសព្ទ័ប្រាប់ឈ្មោះ ជេត សាវឿន វិញថា ចង្កូមសត្វខ្លាដែលយកមកលក់ឲ្យមុននេះ គឺជារបស់ក្លែងក្លាយទេ ពេលនោះឈ្មោះ ជេត សាវឿន បានទូលព្រះអង្គភ្លាមថា ចាំយកអាសុទ្ធមកដូរវិញ ។ ហើយឈ្មោះ ជេត សាវឿន ក៏បានទូរសព្ទ័ទៅប្រាប់ឈ្មោះ រ៉ូន រ៉សេត ឲ្យយករបស់សុទ្ធមកដូរប្រគេនព្រះចៅអធិការវត្តដែរ ប៉ុន្តែដោយចាំបាត់យូរពេក មិនឃើញនៅថ្ងៃទី១០ ខែធ្នូឆ្នាំ២០១៨ ព្រះចៅអធិការ ស៊ុន ហុក បានមកប្តឹងសមត្ថកិច្ចនគរបាលស្រុកពញាឮតែម្តងទៅ
ទើបនៅថ្ងៃ ខែឆ្នាំដដែលឈ្មោះ ជេត សាវឿនបានតេទូរសព្ទ័ទៅចៅអធិការ ស៊ុន ហុក ដើម្បីយកចង្កូមសត្វខ្លាជារបស់ពិតមកប្រគេនរួចមក ក៏បានមកជួបជុំគ្នានៅក្នុងវត្តពោធិកំបោ ពេលនោះឈ្មោះ រ៉ូន រ៉សេត បានយកចង្កូមសត្វខ្លា០១ គូរប្រាប់ថា ជារបស់ពិតទៅប្រគេនដោះដូរ ជាមួយរបស់មិនពិត ដែលលក់ឲ្យពីមុន ពេលនោះ ព្រះចៅអធិការបានពិនិត្យមើលហើយថា ជារបស់សុទ្ធក្នុង ខណៈនោះឈ្មោះ រ៉ូន រ៉សេត បានឲ្យចៅអធិការព្រះនាមស៊ុន ហុក ថែមលុយ៥.០០០ដុល្លារ មកឲ្យខ្លួនបន្ថែម ទៀត ទើបចៅអធិការបានយល់ព្រមតាមតម្លៃខាងលើប៉ុន្តែឲ្យបាន៤.០០០ដុល្លារសិន នៅខ្វះ១.០០០ដុល្លារទៀត ជនសង្ស័យឈ្មោះ រ៉ូន រ៉សេត បានសរសេរកិច្ចសន្យាលក់ដូរធានារបស់សុទ្ធលក់ដូរ មិនកែប្រែរវាងអ្នកលក់ចង្កូមខ្លា ឈ្មោះ រ៉ូន
រ៉សេតអ្នកទិញឈ្មោះស៊ុន ហុកគ្មានស្នាមផ្ដិតមេដៃ ឬចុះហត្ថលេខានៅលើកិច្ចសន្យានេះឡើយ ។
ចែករំលែកព័តមាននេះ