ខេត្តឧត្តរមានជ័យ ៖ ផ្លូវក្រាលក្រួសក្រហមមួយខ្សែស្ថិតនៅក្នុងឃុំត្រពាំងប្រាសាទ ស្រុកត្រពាំងប្រាសាទ ប្រវែង២៤គីឡូម៉ែត្រ ដែលរងការខូចខាតស្ទើរទាំងស្រុង ត្រូវបានបើកការដ្ឋានជួសជុលឡើងវិញដោយប្រើប្រាស់ថវិការបស់រាជរដ្ឋាភិបាលចំនួនជាង៣រយលានរៀល។ ពិធីបើកការដ្ឋានជួសជុលផ្លូវនេះ បានប្រារព្ធធ្វើកាលពីព្រឹកថ្ងៃទី២៦ មិថុនា កន្លងមកក្រោមអធិបតីភាពលោក ស
ខេត្តឧត្តរមានជ័យ ៖ ផ្លូវក្រាលក្រួសក្រហមមួយខ្សែស្ថិតនៅក្នុងឃុំត្រពាំងប្រាសាទ ស្រុកត្រពាំងប្រាសាទ ប្រវែង២៤គីឡូម៉ែត្រ ដែលរងការខូចខាតស្ទើរទាំងស្រុង ត្រូវបានបើកការដ្ឋានជួសជុលឡើងវិញដោយប្រើប្រាស់ថវិការបស់រាជរដ្ឋាភិបាលចំនួនជាង៣រយលានរៀល។ ពិធីបើកការដ្ឋានជួសជុលផ្លូវនេះ បានប្រារព្ធធ្វើកាលពីព្រឹកថ្ងៃទី២៦ មិថុនា កន្លងមកក្រោមអធិបតីភាពលោក ស ថាវី ប្រធានគណៈកម្មាធិការ គណបក្សប្រជាជនកម្ពុជាខេត្ត និងជាអភិបាលខេត្តឧត្តរមានជ័យ និងមានការចូលរួមពីលោកឧកញ៉ា ស៊្រ៊ុន ម៉េងលាង លោកប្រធាន -អនុប្រធានមន្ទីរជុំវិញខេត្ត មន្ត្រីរាជការ លោកមេបញ្ជាការ-មេបញ្ជាការរងកងកម្លាំងប្រដាប់អាវុធ ព្រមទាំងប្រជាពលរដ្ឋយ៉ាងច្រើនកុះករ ។
លោកស ថាវី មានប្រសាសន៍ថា យោងតាមការស្នើសុំរបស់ប្រជាពលរដ្ឋដែលជួបការលំបាកក្នុងការធ្វើដំណើរតាមផ្លូវក្រាលក្រួសក្រហមមួយខ្សែនេះចាប់ពីចំណុចរង្វង់មូលទៅដល់អូរអាកុក មានចម្ងាយ២៤គីឡូម៉ែត្រ លោកក៏បានធ្វើរបាយការណ៍ដាក់ចូលទៅសម្តេចអគ្គមហាសេនាបតីតេជោ ហ៊ុន សែន ។ បន្ទាប់មកក្រុមការងារគណបក្សប្រជាជនកម្ពុជាក៏ចុះធ្វើការសិក្សាភ្លាមៗ ដើម្បីបើកការដ្ឋានជួសជុលជូនប្រជាពលរដ្ឋទៅតាមសំណើសម្រាប់ឱ្យពួកគាត់ងាយស្រួលក្នុងការធ្វើចរាចរណ៍ ។
នាឱកាសបើកការដ្ឋានជួសជុលផ្លូវក្រាលក្រួសក្រហមនេះ លោកឧកញ៉ាស្រ៊ុន ម៉េងលាង និងលោកជំទាវជាភរិយា បានជួយឧបត្ថម្ភបន្ថែមទៀតចំនួន៣លានរៀល និងមានថវិកាសប្បុរសជនជួយឧបត្ថម្ភជាបន្តបន្ទាប់ ដើម្បីចូលរួមជាមួយរាជរដ្ឋាភិបាល ។
ប្រជាពលរដ្ឋដែលបានទទួលការជួសជុលផ្លូវក្រាលក្រួសក្រហមមួយខ្សែនេះមានទឹកចិត្តសប្បាយរីករាយយ៉ាងខ្លាំង ហើយប្តេជ្ញាឆ្លើយតបវិញតាមរយៈសន្លឹកឆ្នោតគឺបោះឆ្នោតឱ្យគណបក្សប្រជាជនកម្ពុជា ដើម្បីបានសម្តេចតេជោ ហ៊ុន សែន ធ្វើជានាយករដ្ឋមន្ត្រីនៅអាណត្តិទី៥ និងអាណត្តិបន្តបន្ទាប់ទៀត ។ នាឱកាសនោះ ប្រជាពលរដ្ឋដែលចូលរួមជាង១ពាន់នាក់ក្នុងម្នាក់ៗទទួលបានថវិកា១ម៉ឺនរៀល និងសារុង១ ៕
ចែករំលែកព័តមាននេះ