យោងតាមអង្គការក្រៅរដ្ឋាភិបាលមួយថា ចំនួនអ្នកស្លា.ប់តាំងពីដើមខែមីនា ឆ្នាំ២០១១ ពេលចាប់ផ្តើមការបះបោរប្រឆាំងរបបប្រធានាធិបតីស៊ីរី លោក បាចាអាល់ អាសាដ មកបានឡើងនាពេលនេះដល់ជាង១០០.០០០នាក់ហើយ នៅពេលដែលសន្និសីទអន្តរជាតិមួយគ្រោងធ្វើនាខែកក្កដាខាងមុខនេះ ដើម្បីបញ្ចប់ជម្លោះហាក់ដូចជាពុំទាន់អាចទៅរួច ។
យោងតាមអង្គការក្រៅរដ្ឋាភិបាលមួយថា ចំនួនអ្នកស្លាប់តាំងពីដើមខែមីនា ឆ្នាំ២០១១ ពេលចាប់ផ្តើមការបះបោរប្រឆាំងរបបប្រធានាធិបតីស៊ីរី លោក បាចាអាល់ អាសាដ មកបានឡើងនាពេលនេះដល់ជាង១០០.០០០នាក់ហើយ នៅពេលដែលសន្និសីទអន្តរជាតិមួយគ្រោងធ្វើនាខែកក្កដាខាងមុខនេះ ដើម្បីបញ្ចប់ជម្លោះហាក់ដូចជាពុំទាន់អាចទៅរួច ។
ដោយសារការធ្លាក់ចុះដុនដាបនៃសភាពការណ៍ ប្រទេសរុស្ស៊ីបានធ្វើមាតុភូមិនិវត្តន៍បុគ្គលិកយោធារបស់ខ្លួនពីស៊ីរី ដែលបុគ្គលិកយោធាទាំងនោះធ្វើការនៅកំពង់ផែ TARTOUS ។ ចំណែកសហរដ្ឋអាមេរិកវិញពុំជឿថា សន្និសីទអន្តរជាតិមួយហៅហ្សឺណែវ-២អាចរៀបចំធ្វើបានក្នុងខែកក្កដាឡើយ ហើយពេលនេះបដិសេធមិនលើកឡើងពីកាលបរិច្ឆេទមួយជាការបំផ្លាញបន្តិចថែមទៀតនូវក្តីសង្ឃឹមដែលអាចរកឃើញដំណោះស្រាយនយោបាយមួយនៃជម្លោះ ។
យោងតាមតុល្យការថ្មីរបស់អង្គការសិទ្ធិមនុស្សស៊ីរីលម្អៀងទៅពួកឧទ្ទាម OSDH ថាជម្លោះនៅស៊ីរីបណ្តាលឱ្យមនុស្សស្លាប់ឡើងដល់១០០.១៩១នាក់ ហើយតាំងពីដើមខែមីនា ឆ្នាំ២០១១ ជាពេលចាប់ផ្តើមការបះបោរ ដែលក្លាយទៅជាសង្គ្រាមស៊ីវិលមក ។ ក្នុងចំណោមអ្នកស្លាប់មានជនស៊ីវិល៣៦.៦៦១នាក់ ពួកឧទ្ទាម១៨.០៧២នាក់ និងសមាជិកនៃកងកម្លាំងរដ្ឋាភិបាល២៥.៤០៧នាក់ ៕
ចែករំលែកព័តមាននេះ