ទីភ្នាក់ងារព័ត៌មានបរទេសកាលពីថ្ងៃទី២៦ មិថុនាផ្សាយថា មានឧប្បត្តិហេតុយន្តហោះអ៊ែរបាសធុន A330 ផ្ទុកអ្នកដំណើរចំនួន៣២៥នាក់ចេញពីអាកាសយានដ្ឋានម៉េនឆេស្ទ័រ ចក្រភពអង់គ្លេស ឆ្ពោះទៅសាធារណរដ្ឋដូមីនិក បានផ្ទុះម៉ាស៊ីន កាលពីថ្ងៃទី២៤ មិថុនា ។
ទីភ្នាក់ងារព័ត៌មានបរទេសកាលពីថ្ងៃទី២៦ មិថុនាផ្សាយថា មានឧប្បត្តិហេតុយន្តហោះអ៊ែរបាសធុន A330 ផ្ទុកអ្នកដំណើរចំនួន៣២៥នាក់ចេញពីអាកាសយានដ្ឋានម៉េនឆេស្ទ័រ ចក្រភពអង់គ្លេស ឆ្ពោះទៅសាធារណរដ្ឋដូមីនិក បានផ្ទុះម៉ាស៊ីន កាលពីថ្ងៃទី២៤ មិថុនា ។
តាមរបាយការណ៍បញ្ជាក់ថា យន្តហោះខាងលើជារបស់ក្រុមហ៊ុនអាកាសយានដ្ឋានដឹថូម៉ាសឃុក ក្នុងជើងហោះហើរ TCX314 បានជួបឧប្បត្តិហេតុដោយម៉ាស៊ីនផ្នែកខាងស្តាំផ្ទុះ បង្កឱ្យយន្តហោះមិនអាចដំណើរការបាន ។ យន្តហោះបានបើកបរក្នុងលក្ខណៈផ្អៀងពីផ្នែកម្ខាងទៅផ្នែកម្ខាងទៀត ហើយអាកាសយានិកព្យាយាមគ្រប់គ្រងលើប្រព័ន្ធបញ្ជា នៅពេលនោះម៉ាស៊ីនបានផ្ទុះឡើង បន្ទាប់មកក្រុមសង្គ្រោះបន្ទាន់ឆ្ពោះទៅពន្លត់អគ្គិភ័យ និងយកយន្តហោះទៅរក្សាទុកនៅកន្លែងជួសជុល ។
គួរបញ្ជាក់ថា ហេតុការណ៍នេះគ្មានអ្នកដំណើរ ឬអាកាសយានិកណាម្នាក់រងគ្រោះទេ ។ ក្រុមហ៊ុនអាកាសចរណ៍សម្តែងអំណរគុណដល់អ្នកដំណើរដែលមានភាពអត់ធ្មត់ ក្នុងការរង់ចាំជើងហោះហើរថ្មី ដោយក្រុមហ៊ុនបានផ្ទេរទៅយន្តហោះមួយគ្រឿងទៀត ៕
ចែករំលែកព័តមាននេះ