ខេត្តកំពង់ចាម ៖ យុវជន ៤នាក់ បានរងរបួសធ្ងន់ក្នុងករណី ២ផ្សេងគ្នា ក្នុងក្រុងកំពង់ចាម ដែលករណីទី១ បានកើតឡើងកាលពីវេលាម៉ោងប្រមាណ ១២យប់កណ្តាលអាធ្រាត្រ ថ្ងៃទី២៦ មិថុនា ២០១៣ នៅចំណុចសណ្ឋាគារ ៧មករា ក្នុងសង្កាត់កំពង់ចាម ក្រុងកំពង់ចាម ខណៈដែលយុវជន ២នាក់ ត្រូវក្មេងទំនើង ១ក្រុម មានគ្នាជាច្រើននាក់
ខេត្តកំពង់ចាម ៖ យុវជន ៤នាក់ បានរងរបួសធ្ងន់ក្នុងករណី ២ផ្សេងគ្នា ក្នុងក្រុងកំពង់ចាម ដែលករណីទី១ បានកើតឡើងកាលពីវេលាម៉ោងប្រមាណ ១២យប់កណ្តាលអាធ្រាត្រ ថ្ងៃទី២៦ មិថុនា ២០១៣ នៅចំណុចសណ្ឋាគារ ៧មករា ក្នុងសង្កាត់កំពង់ចាម ក្រុងកំពង់ចាម ខណៈដែលយុវជន ២នាក់ ត្រូវក្មេងទំនើង ១ក្រុម មានគ្នាជាច្រើននាក់ព្រួតកាប់បណ្តាលឱ្យរងរបួសធ្ងន់ត្រូវដឹកទៅសង្រ្គោះភ្លាមៗនៅមន្ទីរពេទ្យបង្អែកខេត្ត ។ ជនរងគ្រោះទី១ ឈ្មោះ ទូច តុលា អាយុ ២០ឆ្នាំ របួសបែកក្បាល ទី២ ឈ្មោះ លី ហៀង អាយុ ១៩ឆ្នាំ អ្នកទាំងពីររស់នៅភូមិស្រក ឃុំស្រក ស្រុកកំពង់សៀម ។
ដោយឡែកករណីទី២ បានកើតឡើងកាលពីវេលាម៉ោងជាង ២យប់រំលងអាធ្រាត្រឈានចូលថ្ងៃទី២៧ មិថុនា ២០១៣ នៅចំណុចក្បាលស្ពានគីហ្ស៊ូណា ស្ថិតក្នុងសង្កាត់វាលវង់ ក្រុងកំពង់ចាម ហេតុការណ៍ក្មេងទំនើង ១ក្រុម ជិះម៉ូតូ ៧គ្រឿង ធ្វើសកម្មភាពកាប់ទៅលើយុវជន ២នាក់ ខណៈដែលពួកគេជិះម៉ូតូចេញពីក្លិបហ្គោល ស្ថិតក្នុងភូមិស្នាយ ម្តុំទន្លេអ៊ុំ សង្កាត់សំបួរមាស បណ្តាលឱ្យរងរបួសធ្ងន់ ។ យុវជនរងគ្រោះទី១ ឈ្មោះ រ៉ រ៉ាហ្វា អាយុ ១៧ឆ្នាំ និងទី២ ឈ្មោះ ដា បញ្ញា អាយុ ១៧ឆ្នាំ អ្នកទាំងពីររស់នៅភូមិក្បាលអូរ ឃុំគ ស្រុកត្បូងឃ្មុំ ៕
ចែករំលែកព័តមាននេះ