រាជធានីភ្នំពេញ ៖ រថយន្តហុីយ៉ាន់ដាយដឹកដីធុនយក្សមួយគ្រឿងបើកបរដោយបុរសម្នាក់ ដែលទើបចេញពីកន្លែងផឹកស៊ី បោះពួយក្នុងល្បឿនលឿន ហើយបានរេចង្កូតចុះឡើងបន្ទាប់មកបុកស្ពានក្រឡាប់ផ្ងារជើងច្រងាង ធ្លាក់ចូលប្រឡាយ ប៉ុន្តែសំណាងល្អអ្នកបើកបររួចជីវិត ។ គ្រោះថ្នាក់នោះបានកើតឡើងកាលពីវេលាម៉ោង១១និង៣៥នាទីយប់ថ្ងៃទី២៥ មិថុនា លើកំណាត់ផ្លូវជាតិ
រាជធានីភ្នំពេញ ៖ រថយន្តហុីយ៉ាន់ដាយដឹកដីធុនយក្សមួយគ្រឿងបើកបរដោយបុរសម្នាក់ ដែលទើបចេញពីកន្លែងផឹកស៊ី បោះពួយក្នុងល្បឿនលឿន ហើយបានរេចង្កូតចុះឡើងបន្ទាប់មកបុកស្ពានក្រឡាប់ផ្ងារជើងច្រងាង ធ្លាក់ចូលប្រឡាយ ប៉ុន្តែសំណាងល្អអ្នកបើកបររួចជីវិត ។ គ្រោះថ្នាក់នោះបានកើតឡើងកាលពីវេលាម៉ោង១១និង៣៥នាទីយប់ថ្ងៃទី២៥ មិថុនា លើកំណាត់ផ្លូវជាតិលេខ២ ស្ថិតក្នុងភូមិសាស្ត្រភូមិស្រីស្នំ សង្កាត់ព្រែកកំពឹស ខណ្ឌដង្កោ។
តាមប្រភពព័ត៌មានបានឱ្យដឹងថា មុនពេលកើតហេតុរថយន្តម៉ាកហុីយ៉ាន់ដាយ ពណ៌ស ពាក់ស្លាកលេខភ្នំពេញ 3A-4698 បើកបរដោយបុរសម្នាក់មិនស្គាល់ឈ្មោះ អាយុជាង៣០ឆ្នាំ តាមផ្លូវជាតិលេខ២ ក្នុងទិសដៅពីលិចទៅកើត លុះហួសរង្វង់មូលដីក្រហមបានចម្ងាយជាង១០០ម៉ែត្រ ស្រាប់តែរេចង្កូតចុះឡើង រួចក៏ជ្រុលទៅបុកស្ពាន និងធ្លាក់ពីលើស្ពានក្រឡាប់ចូលក្នុងប្រឡាយទឹកនៅខាងស្តាំដៃតែម្តង ។ សំណាងល្អមិនបណ្តាលឱ្យអ្នកបើកបរដែលសង្ស័យថាស្រវឹងនោះរបួស ។ក្រោយពេលកើតហេតុ សមត្ថកិច្ចចុះធ្វើការវាស់វែង និងស្ទូចរថយន្តយកទៅរក្សាទុកនៅការិយាល័យផ្លូវគោករាជធានីភ្នំពេញ ៕
ចែករំលែកព័តមាននេះ