នាយករដ្ឋមន្ត្រីកូរ៉េខាងត្បូងលោក CHUNG HONGWON កាលពីថ្ងៃទី២៦ មិថុនា ស្នើដល់កូរ៉េខាងជើងឱ្យបោះបង់ចោលមាគ៌ានៃការស្ថិតនៅឯកោប្រកាន់យកមាគ៌ានៃសន្តិភាពជាអចិន្ត្រៃយ៍នៅឧបទ្វីបកូរ៉េ ហើយធ្វើឱ្យប្រជាជនកូរ៉េទទួលភាពរុងរឿងដូចគ្នា ។ នាយករដ្ឋមន្ត្រីកូរ៉េខាងត្បូងថ្លែងបែបនេះ ក្នុងឱកាសខួបលើកទី៦៣នៃការផ្ទុះសង្គ្រាមកូរ៉េ (1950-1953) ។
នាយករដ្ឋមន្ត្រីកូរ៉េខាងត្បូងលោក CHUNG HONGWON កាលពីថ្ងៃទី២៦ មិថុនា ស្នើដល់កូរ៉េខាងជើងឱ្យបោះបង់ចោលមាគ៌ានៃការស្ថិតនៅឯកោប្រកាន់យកមាគ៌ានៃសន្តិភាពជាអចិន្ត្រៃយ៍នៅឧបទ្វីបកូរ៉េ ហើយធ្វើឱ្យប្រជាជនកូរ៉េទទួលភាពរុងរឿងដូចគ្នា ។ នាយករដ្ឋមន្ត្រីកូរ៉េខាងត្បូងថ្លែងបែបនេះ ក្នុងឱកាសខួបលើកទី៦៣នៃការផ្ទុះសង្គ្រាមកូរ៉េ (1950-1953) ។
ក្នុងពិធីមួយនាខួបចាប់ផ្តើមសង្គ្រាមកូរ៉េលោក CHUNG ថ្លែងថា សភាពការណ៍ទាក់ទិនដល់សន្តិសុខជាតិនាពេលបច្ចុប្បន្ននេះ ក្នុងឋានៈជាប្រទេសតែមួយគត់លើពិភពលោក ដែលនៅពុះបំបែកជា២ នៅតែធ្ងន់ធ្ងរជានិច្ច ។ ជាង៦ទសវត្សហើយ ក្រោយសង្គ្រាមកូរ៉េ គ្រួសារភាគច្រើនដែលព្រាត់ប្រាស់គ្នាដោយសារសង្គ្រាម ពេលនេះរស់នៅដោយពុំដឹងថា តើសាច់ញាតិគ្រួសារ បងប្អូនប្រុសស្រីរបស់ពួកគេនៅរស់ឬអត់ ។ លោកអំពាវនាវឱ្យមានកិច្ចសហប្រតិបត្តិការដើម្បីរៀបចំឱ្យមានការជួបជុំសាច់ញាតិដែលព្រាត់ប្រាស់គ្នាឱ្យបានឆាប់តាមដែលអាចធ្វើទៅបាន ។
លោក CHUNG បន្តទៀតថា សង្គ្រាមកូរ៉េពុំមែនជាសង្គ្រាមមួយ ដែលត្រូវភ្លេចឬជាសង្គ្រាមមួយដែលអាចបំភ្លេចបានឡើយ ។ លោកបានថ្លែងអំណរគុណចំពោះបណ្តាអតីតយុទ្ធជន ។ លោកមានប្រសាសន៍ថា ខ្ញុំនឹងធ្វើរាល់ការខិតខំប្រឹងប្រែងរបស់ខ្ញុំ ដើម្បីការពារយា៉ងម៉ឺងមា៉ត់នូវសេរីភាព និងសន្តិភាពដើម្បីកុំឱ្យការធ្វើពលីកម្មរបស់បណ្តាអ្នកដែលស្លាប់ ដើម្បីប្រជាជាតិមានការខកចិត្ត ៕
ចែករំលែកព័តមាននេះ