ឧទ្ធម្ភាគចក្ររបស់ទ័ពប្រទេសឥណ្ឌាដែលកំពុងប្រតិបត្ដិជួយជនរងគ្រោះពីទឹកជំនន់នៅភាគខាងជើង ក្នុងអំឡុងពេលកើតមានឧបទ្ទវហេតុព្យុះបានបុកភ្នំធ្លាក់ទៅក្នុងទន្លេ បណ្ដាលឱ្យមនុស្សស្លា.ប់យ៉ាងតិច៨នាក់ ។ ទីភ្នាក់ងារព័ត៌មានបរទេស កាលពីថ្ងៃទី២៥ មិថុនា ចុះផ្សាយដោយយោងលើសេចក្ដីថ្លែងការណ៍របស់ទ័ពអាកាសឥណ្ឌាបញ្ជាក់ថា ឧទ្ធម្ភាគចក្ររបស់ទ័ពអាកាសឥណ្ឌា ដែល
ឧទ្ធម្ភាគចក្ររបស់ទ័ពប្រទេសឥណ្ឌាដែលកំពុងប្រតិបត្ដិជួយជនរងគ្រោះពីទឹកជំនន់នៅភាគខាងជើង ក្នុងអំឡុងពេលកើតមានឧបទ្ទវហេតុព្យុះបានបុកភ្នំធ្លាក់ទៅក្នុងទន្លេ បណ្ដាលឱ្យមនុស្សស្លាប់យ៉ាងតិច៨នាក់ ។ ទីភ្នាក់ងារព័ត៌មានបរទេស កាលពីថ្ងៃទី២៥ មិថុនា ចុះផ្សាយដោយយោងលើសេចក្ដីថ្លែងការណ៍របស់ទ័ពអាកាសឥណ្ឌាបញ្ជាក់ថា ឧទ្ធម្ភាគចក្ររបស់ទ័ពអាកាសឥណ្ឌា ដែលកំពុងប្រតិបត្ដិការជួយសង្គ្រោះផ្នែកពេទ្យដល់អ្នកជួបគ្រោះមហន្ដរាយ នៅភាគខាងជើងប្រទេសបានជួបឧបទ្ទវហេតុបុកភ្នំ រួចធ្លាក់ចូលទៅក្នុងទន្លេ កាលពីរសៀលថ្ងៃទី២៥ មិថុនា ក្នុងក្រុងកេដាណាត បណ្ដាលឱ្យមានអ្នកស្លាប់ចំនួន៨នាក់ ។
បច្ចុប្បន្នកំពុងស្រាវជ្រាវរកមូលហេតុ ស្របពេលអាជ្ញាធរនៅក្នុងតំបន់កំពុងត្រៀមរៀបចំ ពិធីឈាបនកិច្ចជាក្រុមដល់អ្នកស្លាប់ជាច្រើនពាន់នាក់ នៅក្នុងឧបទ្ទវហេតុនៃគ្រោះទឹកជំនន់ ។ លើសពីនេះ ខាងផ្នែកសុខាភិបាលក៏មានក្ដីបារម្ភថា នឹងកើតមានរោគរាតត្បាតនៃជំងឺ ប្រសិនបើមិនបានចាប់ផ្ដើមដំណើរការឈាបនកិច្ចឱ្យបានឆាប់ ។ កងទ័ពឥណ្ឌាបានព្យាយាមជួយជនរងគ្រោះដែលជាប់នៅក្នុងតំបន់មួយចំនួនប្រហែល៥.០០០នាក់ នៅក្នុងទីក្រុងបាតរីណាត និងបានឆ្លងផុតរយៈពេល៨ថ្ងៃមកហើយ ក្រោយពីកើតព្យុះបង្កឱ្យបាក់ដី និងទឹកជំនន់ដ៏ធំនៅឥណ្ឌា ៕
ចែករំលែកព័តមាននេះ