ខេត្តកំពង់ចាម ៖ លោកឧត្តមសេនីយ៍ឯកលី គីនឡុង អគ្គលេខាធិការរងអាជ្ញាធរជាតិប្រយុទ្ធប្រឆាំងគ្រឿងញៀន និងជាតំណាងអាជ្ញាធរប្រយុទ្ធប្រឆាំងគ្រឿងញៀ.ន បានអញ្ជើញជាអធិបតីក្នុងទិវាអន្តរជាតិប្រយុទ្ធប្រឆាំងការចរាចរ និងការប្រើបំពានគ្រឿងញៀនខុសច្បាប់ នាវេលាម៉ោង៨ព្រឹកថ្ងៃទី២៦ មិថុនា ២០១៣ នេះ ដែលប្រព្រឹត្តឡើងនៅចំណតរថយន្តក្រុងកំពង់ចាម ។
ខេត្តកំពង់ចាម ៖ លោកឧត្តមសេនីយ៍ឯកលី គីនឡុង អគ្គលេខាធិការរងអាជ្ញាធរជាតិប្រយុទ្ធប្រឆាំងគ្រឿងញៀន និងជាតំណាងអាជ្ញាធរប្រយុទ្ធប្រឆាំងគ្រឿងញៀន បានអញ្ជើញជាអធិបតីក្នុងទិវាអន្តរជាតិប្រយុទ្ធប្រឆាំងការចរាចរ និងការប្រើបំពានគ្រឿងញៀនខុសច្បាប់ នាវេលាម៉ោង៨ព្រឹកថ្ងៃទី២៦ មិថុនា ២០១៣ នេះ ដែលប្រព្រឹត្តឡើងនៅចំណតរថយន្តក្រុងកំពង់ចាម ។
ក្នុងពិធីនេះដែរ ក៏មានអញ្ជើញចូលរួមពីលោកជុំ លីវ អភិបាលរងខេត្ត, លោកធុច ថាត អភិបាលក្រុងកំពង់ចាម, លោកវរសេនីយ៍ឯកជឹម សេងហុង ស្នងការនគរបាលខេត្ត, ប្រធានមន្ទីរនានាជុំវិញខេត្ត,នគរបាល, ទាហាន, កងរាជអាវុធហត្ថ, ព្រះសង្ឃ, សិស្សានុសិស្ស និងប្រជាពលរដ្ឋសរុបចំនួន២០០០នាក់ផងដែរ ។
លោកលី គីនឡុង បានមានប្រសាសន៍លើកឡើងថា ក្នុងឆ្នាំ២០១៥ខាងមុខនេះ ប្រទេសបណ្តាអាស៊ានទាំងអស់បានប្តេជ្ញាចិត្តថា នឹងមិនឱ្យមានគ្រឿងញៀនទៀតទេ ក៏ប៉ុន្តែយើងនៅតែមិនទាន់អាចធ្វើបានទាំងអស់នោះដែរ ហើយយើងសង្កេតឃើញថា គ្រឿងញៀននៅក្នុងប្រទេសកម្ពុជាយើងមានការថមថយច្រើន ចាប់តាំងពីឆ្នាំ២០០៧រហូតមកដល់បច្ចុប្បន្ននេះ ។ នេះក៏ដោយសារក្រោមការដឹកនាំដ៏ឈ្លាសវៃ និងការយកចិត្តទុកដាក់របស់សម្តេចតេជោ និងសម្តេចកិត្តិព្រឹទ្ធបណ្ឌិតប៊ុន រ៉ានី ហ៊ុន សែន ដែលលោកតែងតែចុះជាប់នៅតាមមណ្ឌលបន្សាបគ្រឿងញៀន ព្រមទាំងមានការឧបត្ថម្ភដល់យុវជនដែលញៀនថ្នាំផងដែរ ៕
ចែករំលែកព័តមាននេះ