រាជធានីភ្នំពេញ ៖ នាព្រឹកថ្ងៃទី២៤ មិថុនា លោកប៉ា សុជាតិវង្ស អភិបាលរាជធានីភ្នំពេញ បានអនុញ្ញាតឲ្យលោកឯកអគ្គរដ្ឋទូតថ្មីរបស់សាធារណរដ្ឋបារាំងប្រចាំកម្ពុជា ចូលជួបសំណេះសំណាល និងសម្តែងការគួរសមនៅសាលារាជធានីភ្នំពេញ ។ ក្នុងជំនួបពិភាក្សានេះ លោកឯកអគ្គរដ្ឋទូតថ្មីបារាំង បានអះអាងជាថ្មីពីការបន្តជំរុញកិច្ចសហប្រតិបត្តិការជាមួយកម្ពុជា ជាពិសេសបន្តរាល់
រាជធានីភ្នំពេញ ៖ នាព្រឹកថ្ងៃទី២៤ មិថុនា លោកប៉ា សុជាតិវង្ស អភិបាលរាជធានីភ្នំពេញ បានអនុញ្ញាតឲ្យលោកឯកអគ្គរដ្ឋទូតថ្មីរបស់សាធារណរដ្ឋបារាំងប្រចាំកម្ពុជា ចូលជួបសំណេះសំណាល និងសម្តែងការគួរសមនៅសាលារាជធានីភ្នំពេញ ។ ក្នុងជំនួបពិភាក្សានេះ លោកឯកអគ្គរដ្ឋទូតថ្មីបារាំង បានអះអាងជាថ្មីពីការបន្តជំរុញកិច្ចសហប្រតិបត្តិការជាមួយកម្ពុជា ជាពិសេសបន្តរាល់គម្រោងនានាក្នុងរាជធានីភ្នំពេញក្រោមកិច្ចសហការពីភាគីបារាំង ។
លោក ប៉ា សុជាតិវង្ស បានលើកឡើងថា បារាំងជាស្ថាបនិកមួយក្នុងការបង្កើតប្លង់គោលសម្រាប់អភិវឌ្ឍន៍រាជធានីភ្នំពេញ និងមានគម្រោងផ្សេងៗមួយចំនួនទៀតដែលបារាំងបានជួយដល់រាជធានីភ្នំពេញ នាពេលកន្លងមក និងមានគម្រោងមួយចំនួនកំពុងបន្តអនុវត្ត ។ បារាំងក៏នៅមានបន្សល់ទុកនូវស្ថាបត្យកម្មខាងសំណង់ជាច្រើននៅរាជធានីភ្នំពេញក្នុងនោះមាន សំណង់ផ្សារធំថ្មីជាដើម ដែលត្រូវបានជួសជុលកែលម្អដោយទីភ្នាក់ងារ AFD របស់បារាំងនាពេលកន្លងមក ។
លោក Serge Mostura ឯកអគ្គរដ្ឋទូតថ្មីរបស់សាធារណរដ្ឋបារាំងប្រចាំកម្ពុជា បានលើកឡើងថា បារាំងគ្មានគោលការណ៍ចងសម្ព័ន្ធមេត្រីភាពរវាងទីក្រុងប៉ារីស ជាមួយបណ្តាទីក្រុងនានាលើសកលលោកនោះទេ តែទីក្រុងប៉ារីសបានចងសម្ព័ន្ធភាពជាមួយរាជធានីភ្នំពេញ ជាករណីពិសេសមួយ ។ ការកសាងទីក្រុងមួយឲ្យមានការរីកចម្រើន មិនមែនធ្វើតែមួយថ្ងៃបានសម្រេចនោះទេ ត្រូវមានការជម្នះ អំណត់ និងព្យាយាមប្រកបដោយឆន្ទៈទទួលខុសត្រូវ ។
លោកឯកអគ្គរដ្ឋទូតបារាំងបានកត់សម្គាល់ថា ក្រោយពីកិច្ចប្រជុំគណៈកម្មាធិការបេតិកភណ្ឌពិភពលោកលើកទី៣៧ ដែលកម្ពុជាធ្វើជាម្ចាស់ផ្ទះនេះទៅ ពិភពលោកកាន់តែមើលឃើញច្បាស់ពីឧត្តមភាព និងកិត្យានុភាពរបស់កម្ពុជា ក៏ដូចជារាជធានីភ្នំពេញ ហើយភ្ញៀវទេសចរនឹងកើនឡើងទ្វេដងផងដែរ ៕
ចែករំលែកព័តមាននេះ