រាជធានីភ្នំពេញ ៖ ជនសង្ស័យ ៣នាក់ បានធ្វើសកម្មភាពឡើងលួចសម្ភារក្នុងផ្ទះម្ចាស់សិប្បកម្មឈើ ១កន្លែង ហើយត្រូវកម្មករសិប្បកម្មឃើញស្រែកចោរៗ និងដេញចាប់បានម្នាក់ ដែលហេតុការណ៍នេះ បានកើតឡើងកាលពីវេលាម៉ោង ២ និង ១០នាទី យប់រំលងអាធ្រាត្រឈានចូលថ្ងៃទី២៦ មិថុនា ២០១៣
រាជធានីភ្នំពេញ ៖ ជនសង្ស័យ ៣នាក់ បានធ្វើសកម្មភាពឡើងលួចយកសម្ភារក្នុងផ្ទះម្ចាស់សិប្បកម្មឈើ ១កន្លែង ហើយត្រូវកម្មករសិប្បកម្មឃើញស្រែកចោរៗ និងដេញចាប់បានម្នាក់ ដែលហេតុការណ៍នេះ បានកើតឡើងកាលពីវេលាម៉ោង ២ និង ១០នាទី យប់រំលងអាធ្រាត្រឈានចូលថ្ងៃទី២៦ មិថុនា ២០១៣ នៅចំណុចផ្ទះលេខ៧៩៤ ផ្លូវលេខ៤៧៤ ស្ថិតក្នុងសង្កាត់បឹងត្របែក ខណ្ឌចំការមន ។
ម្ចាស់ផ្ទះមានឈ្មោះ ទាប សុវណ្ណារិទ្ធ ភេទប្រុស អាយុ ២៦ឆ្នាំ មុខរបរជាម្ចាស់សិប្បកម្មឈើនៅចំណុចកើតហេតុខាងលើ ចំណែកជនសង្ស័យឈ្មោះ ចាន់នី ភេទប្រុស អាយុ ២៥ឆ្នាំ មុខរបរ និងទីលំនៅមិនពិតប្រាកដ ។ បច្ចុប្បន្ន ជនសង្ស័យត្រូវសមត្ថកិច្ចបញ្ជូនទៅប៉ុស្តិ៍នគរបាលរដ្ឋបាលបឹងត្របែក ដើម្បីធ្វើការសាកសួរបន្ត ៕
ចែករំលែកព័តមាននេះ