ចិនម្នាក់បង្កគ្រោះថ្នាក់ចរាចរណ៍ត្រូវបានដាក់ពន្ធនាគារ
- កណ្តាល
ខេត្តកណ្តាល ៖ លោក គឹម រត្ន័ណារិន អនុប្រធានសាលាដំបូងខេត្តកណ្តាល និងជាចៅក្រមស៊ើបសួរ កាលពីថ្ងៃទី៦ ខែធ្នូ ឆ្នាំ២០១៨…
ខេត្តកណ្តាល ៖ លោក គឹម រត្ន័ណារិន អនុប្រធានសាលាដំបូងខេត្តកណ្តាល និងជាចៅក្រមស៊ើបសួរ កាលពីថ្ងៃទី៦ ខែធ្នូ ឆ្នាំ២០១៨…
ខេត្តកណ្តាល ៖ លោក គឹម រត្ន័ណារិន អនុប្រធានសាលាដំបូងខេត្តកណ្តាល និងជាចៅក្រមស៊ើបសួរ កាលពីថ្ងៃទី៦ ខែធ្នូ ឆ្នាំ២០១៨ បានសម្រេចចេញដីកាឃុំខ្លួនជនជាតិចិនដែលជាអ្នកបើករថយន្តមួយគ្រឿងបុកម៉ូតូ បណ្តាលអោយបុរសម្នាក់របួសធ្ងន់ នៅស្រុកកណ្តាលស្ទឹង ដាក់ពន្ធនាគារបណ្តោះអាសន្ន ពីបទ«បើក
បរបណ្តាលឱ្យរបួសអ្នកដទៃដោយអចេតនា» ដែលបានកើតឡើងនៅភូមិកំពង់ទួល ឃុំអន្លង់រមៀត ស្រុកកណ្ដាលស្ទឹង ខេត្តកណ្ដាល កាលពីវេលាម៉ោង៣និង៣០នាទីរសៀលថ្ងៃទី៤ ខែធ្នូ ឆ្នាំ ២០១៨ លើផ្លូវជាតិលេខ៣ គីឡូម៉ែត្រលេខ ២៤-២៥ ។
តាមមាត្រា៨៣ ច្បាប់ស្តីពីចរាចរណ៍ផ្លូវគោក ជនត្រូវចោទឈ្មោះ Liu shi quan(លាវ ស៊ីឈ័ន)ភេទប្រុស អាយុ២៧ឆ្នាំ ជនជាតិចិន ស្នាក់នៅរាជធានីភ្នំពេញ រីឯជនរងគ្រោះឈ្មោះ ឡាក់ ធាហៅកាំង ភេទប្រុស អាយុ៤៦ឆ្នាំនៅភូមិ ស្វាយមីង ឃុំ បារគូ ស្រុកកណ្ដាលស្ទឹង ខេត្តកណ្ដាល ។
បើតាមរបាយការណ៍របស់នគរបាលស្រុកកណ្តាលស្ទឹងបានបញ្ជាក់ថា នៅថ្ងៃកើតហេតុវេលាម៉ោង៣និង៣០នាទីរសៀលថ្ងៃទី៤ ខែធ្នូ ឆ្នាំ ២០១៨ នៅចំណុចជិតស្ពាន៧មករា ភូមិកំពង់ទួល ឃុំអន្លង់រមៀត ស្រុកកណ្ដាលស្ទឹង ខេត្តកណ្ដាល លើផ្លូវជាតិលេខ៣ គីឡូម៉ែត្រលេខ ២៤-២៥ មានម៉ូតូ១គ្រឿង ម៉ាកសង់ ធុនC125 ពណ៍ខ្មៅ ពាក់ស្លាកលេខ ភ្នំពេញ ១AL-១១៨៧ បើកបរដោយឈ្មោះ ឡាក់ ធា (ហៅកាំង) ភេទប្រុស ជិះតែម្នាក់ឯង ដោយបើកបរក្នុងទឹសដៅពីត្បូងមកជើង(ពីតាកែវមកភ្នំពេញ) ។
លុះពេលមកដល់កន្លែងកើតហេតុខាងលើបានបុកជាមួយនឹងរថយន្ត១គ្រឿងម៉ាកតាកូម៉ា ធុនតូច ពណ៌ទឹកប្រាក់ ពាក់ស្លាកលេខ ភ្នំពេញ ២AQ-៨៥១៩ បើកបរដោយឈ្មោះ Liu shi quan (លាវ ស៊ី ឈ័ន) ជាជនជាតិចិន បើកបរក្នុងទិសដៅពីជើងទៅត្បូង (ពីភ្នំពេញទៅតាកែវ) ហើយបត់ឆ្វេងឆ្លងផ្លូវ ត្រូវចំចង្កៀងមុខខាងស្ដាំ បណ្ដាលអោយអ្នកបើកបរម៉ូតូរងរបួសធ្ងន់ ត្រូវបានបញ្ជូនទៅមន្ទីរពេទ្យភ្នំពេញ ។
ចំពោះអ្នកបើកររថយន្តត្រូវបានឃាត់ខ្លួននៅអធិការដ្ឋានជាបណ្ដោះអាសន្ន បើកបរគ្មានប័ណ្ណបើកបរ និង គ្មានលិខិតឆ្លងដែន ។
តាមការសន្និដ្ឋានករណីនេះបង្កឡើងដោយរថយន្តបើកបរមានការធ្វេសប្រហែស ឆ្លងផ្លូវខ្វះការប្រុងប្រយត្ន័ ទើបបណ្ដាលអោយគ្រោះថ្នាក់ដល់អ្នកដទៃ។ ចំពោះរថយន្ត និងម៉ូតូខាងលើត្រូវបានកម្លាំងជំនាញយកមករក្សារទុកនៅអធិការដ្ឋានជាបណ្ដោះអាសន្ន ៕
ចែករំលែកព័តមាននេះ