ខេត្តកំពុងឆ្នាំង៖ ម៉ូតូចំនួន៦៩គ្រឿងត្រូវបានប្រគល់ជូនមន្ត្រីនគរបាលប៉ុស្ដិ៍រដ្ឋបាលទាំង៦៩ឃុំ សង្កាត់ ក្នុងស្រុក ក្រុង ទាំង៨ ក្នុងខេត្ត កាលពីព្រឹកថ្ងៃទី ២៥ មិថុនា ២០១៣ នៅស្នងការដ្ឋាននគរបាលខេត្ត ក្រោមអធិបតីភាពលោកឧត្ដមសេនីយ៍ត្រី អាត់ ខែម ស្នងការនគរបាលខេត្ត និងមានការអញ្ជើញចូលរួមពីលោកស្នងការរង នាយការិយាល័យ និង
ខេត្តកំពុងឆ្នាំង៖ ម៉ូតូចំនួន៦៩គ្រឿងត្រូវបានប្រគល់ជូនមន្ត្រីនគរបាលប៉ុស្ដិ៍រដ្ឋបាលទាំង៦៩ឃុំ សង្កាត់ ក្នុងស្រុក ក្រុង ទាំង៨ ក្នុងខេត្ត កាលពីព្រឹកថ្ងៃទី ២៥ មិថុនា ២០១៣ នៅស្នងការដ្ឋាននគរបាលខេត្ត ក្រោមអធិបតីភាពលោកឧត្ដមសេនីយ៍ត្រី អាត់ ខែម ស្នងការនគរបាលខេត្ត និងមានការអញ្ជើញចូលរួមពីលោកស្នងការរង នាយការិយាល័យ និងមន្ត្រីនគរបាលជាច្រើនរូបទៀត។
លោកស្នងការបានមានប្រសាសន៍ថា នេះជាលើកទី៣ ហើយដែលរាជរដ្ឋាភិបាល ក៏ដូចជាអគ្គស្នងការនគរបាលជាតិ បានប្រគល់ម៉ូតូជូនដល់មន្ត្រីប៉ូលីសប៉ុស្ដិ៍រដ្ឋបាល ដែលរហូតមកដល់ពេលនេះនៅប៉ុស្ដិ៍រដ្ឋបាលទូទាំងខេត្តមានម៉ូតូសម្រាប់បម្រើការងារជូនប្រជាពលរដ្ឋចំនួន៣គ្រឿង ហើយក្នុងប៉ុស្ដិ៍នីមួយៗ មានកង់និងវិទ្យុទាក់ទងមួយចំនួនផងដែរ៕
ចែករំលែកព័តមាននេះ