ខេត្តឧត្តរមានជ័យ ៖ នាព្រឹកថ្ងៃទី២៤ មិថុនា នៅច្រកទ្វារអន្តរជាតិជាំសាងាំ ស្ថិតនៅក្នុងភូមិជើងភ្នំ ឃុំត្រពាំងប្រីយ៍ ស្រុកអន្លង់វែង មានរៀបចំពិធីប្រកាសផ្ទេរ និងចូលកាន់តំណែងប្រធានស្នាក់ការត្រួតពិនិត្យច្រកទ្វារអន្តរជាតិ ជាំសាងាំ ដោយមានការចូលរួមពីលោក លៀម សូដា អភិបាលរងខេត្ត លោក យឹម ផាន់ណា អភិបាលស្រុកអន្លង់វែង មន្ត្រីរាជការ ព្រមទាំងអស់លោកមេបញ្ជាការ
ខេត្តឧត្តរមានជ័យ ៖ នាព្រឹកថ្ងៃទី២៤ មិថុនា នៅច្រកទ្វារអន្តរជាតិជាំសាងាំ ស្ថិតនៅក្នុងភូមិជើងភ្នំ ឃុំត្រពាំងប្រីយ៍ ស្រុកអន្លង់វែង មានរៀបចំពិធីប្រកាសផ្ទេរ និងចូលកាន់តំណែងប្រធានស្នាក់ការត្រួតពិនិត្យច្រកទ្វារអន្តរជាតិ ជាំសាងាំ ដោយមានការចូលរួមពីលោក លៀម សូដា អភិបាលរងខេត្ត លោក យឹម ផាន់ណា អភិបាលស្រុកអន្លង់វែង មន្ត្រីរាជការ ព្រមទាំងអស់លោកមេបញ្ជាការ មេបញ្ជាការរង និងកងកម្លាំងប្រដាប់អាវុធគ្រប់ប្រភេទជាច្រើនរូបទៀត ។
តាមការប្រកាសបានឱ្យដឹងថា លោក នេត្យ ដារ៉ា ប្រធានស្នាក់ការច្រកទ្វារអន្តរជាតិជាំសាងាំ ត្រូវបានផ្ទេរមុខតំណែងថ្មីជានាយកទីចាត់ការគ្រប់គ្រងធនធានមនុស្សសាលាខេត្ត ហើយលោក ក្រូច សម្បត្តិ អតីតអភិបាលរងស្រុកជាំក្សាន្ត ចូលកាន់តំណែងថ្មីជាប្រធានស្នាក់ការមាត់ច្រកទ្វារអន្តរជាតិជាំសាងាំ ។ បន្ទាប់ពីប្រកាស រួច លោក ក្រូច សម្បត្តិ ដែលទើបចូលកាន់មុខតំណែងថ្មីបានធ្វើការប្តេជ្ញាចិត្តខិតខំធ្វើទំនាក់ទំនងជាមួយមន្ត្រីរាជការជុំវិញស្រុក និងខិតខំធ្វើទំនាក់ទំនងជាមួយប្រទេសជិតខាងឱ្យបានល្អ ដើម្បីឱ្យប្រជាពលរដ្ឋខ្មែរនិងប្រជាពលរដ្ឋថៃងាយស្រួលក្នុងការដោះដូរមុខទំនិញពីប្រទេសមួយទៅប្រទេសមួយ ជាពិសេសយកចិត្តទុកដាក់ទប់ស្កាត់រាល់មុខទំនិញណាដែលច្បាប់ហាមឃាត់ ។
លោក លៀម សូដា អភិបាលរងខេត្ត បានមានប្រសាសន៍ផ្តាំផ្ញើដល់លោកប្រធានស្នាក់ការត្រួតពិនិត្យច្រកទ្វារអន្តរជាតិថ្មី ត្រូវយកចិត្តទុកដាក់បម្រើការងារជូនប្រជាពលរដ្ឋឱ្យបានល្អនៅមាត់ច្រកទ្វារអន្តរជាតិនេះដូចជា ក្នុងការនាំទំនិញចេញចូលពីប្រទេសមួយទៅប្រទេសមួយ ជាពិសេសត្រូវយកចិត្តទុកដាក់បំផុតរាល់ទំនិញណាដែលនាំចូលខូចគុណភាព ធ្វើឱ្យប៉ះពាល់ដល់សុខភាពរបស់ប្រជាពលរដ្ឋ ឬមុខទំនិញណាដែលច្បាប់ហាមឃាត់ ។
លើសពីនេះ ត្រូវយកចិត្តទុកដាក់បំផុតនៅក្នុងអំឡុងខែកក្កដាខាងមុខនេះ គឺត្រូវតែមានវិធានការរារាំងដល់ប្រជាពលរដ្ឋខ្មែរមិនឱ្យធ្វើចំណាកស្រុករកការងារធ្វើនៅក្រៅប្រទេស និងខិតខំធ្វើទំនាក់ទំនងជាមួយអាជ្ញាធរថៃឱ្យជួយបញ្ជូនពលករខ្មែរវិលមកប្រទេសកម្ពុជាវិញ ដើម្បីបោះឆ្នោតនាពេលខាងមុខដ៏ខ្លីនេះ ៕
ចែករំលែកព័តមាននេះ