ខេត្តកំពង់ចាម ៖ អតីតសមាជិកគណបក្សសង្គ្រោះជាតិ បានអំពាវនាវដល់ប្រជាពលរដ្ឋឱ្យឈប់ជឿលើគណបក្សសមរង្ស៊ី និងគណបក្សសង្គ្រោះជាតិ បន្ទាប់ពីចូលរួមជាមួយគណបក្សប្រឆាំងជាច្រើនឆ្នាំ ដោយគ្មានបានចូលរួមអភិវឌ្ឍន៍សង្គម ក៏ដូចជាធ្វើនូវប្រយោជន៍ជូនប្រជាពលរដ្ឋនោះ ។ សមាជិក-សមាជិកាគណបក្សសមរង្ស៊ី ក៏ដូចជាគណបក្សសង្គ្រោះជាតិ បានសម្រេចចិត្តចាក
ខេត្តកំពង់ចាម ៖ អតីតសមាជិកគណបក្សសង្គ្រោះជាតិ បានអំពាវនាវដល់ប្រជាពលរដ្ឋឱ្យឈប់ជឿលើគណបក្សសមរង្ស៊ី និងគណបក្សសង្គ្រោះជាតិ បន្ទាប់ពីចូលរួមជាមួយគណបក្សប្រឆាំងជាច្រើនឆ្នាំ ដោយគ្មានបានចូលរួមអភិវឌ្ឍន៍សង្គម ក៏ដូចជាធ្វើនូវប្រយោជន៍ជូនប្រជាពលរដ្ឋនោះ ។ សមាជិក-សមាជិកាគណបក្សសមរង្ស៊ី ក៏ដូចជាគណបក្សសង្គ្រោះជាតិ បានសម្រេចចិត្តចាកចេញ និងមករួមគ្នាជាមួយគណបក្សប្រជាជនកម្ពុជា ដើម្បីមានឱកាសចូលរួមចំណែកអភិវឌ្ឍន៍ជាតិ និងជួយបម្រើប្រជាពលរដ្ឋក្នុងមូលដ្ឋានរបស់ពួកគេ ។
ការចាកចេញក្រោយពីអស់ជំនឿលើមេដឹកនាំរបស់ខ្លួន ហើយមកចូលរួមជាមួយគណបក្សប្រជាជនកម្ពុជា មានសមាជិក-សមាជិកាចំនួន៨រូប ក្នុងនោះមានមេភូមិមួយរូបរបស់គណបក្សសង្គ្រោះជាតិ និងបានរៀបចំធ្វើនៅភូមិតាអាំ ឃុំកក់ ស្រុកពញាក្រែក កាលពីព្រឹកថ្ងៃទី២៣ ខែមិថុនា ឆ្នាំ២០១៣ ហើយក្នុងឱកាសនោះដែរ ក៏បានសំណេះសំណាលជាមួយសមាជិក-សមាជិកាគណបក្សប្រជាជនកម្ពុជា ក្រោមអធិបតីភាពលោក ផន ផែង អនុប្រធានក្រុមការងារចុះជួយឃុំកក់ ស្រុកពញាក្រែក ។
សមាជិកគណបក្សសង្គ្រោះជាតិមួយរូបដែលបានមកចូលរួមជាមួយគណបក្សប្រជាជនកម្ពុជានិយាយថា មូលហេតុដែលពួកគាត់មកចូលរួមជាមួយគណបក្សប្រជាជនកម្ពុជា ព្រោះជាគណបក្សមានគុណបំណាច់ចំពោះប្រទេសជាតិ និងប្រជាជន ដែលមានសម្ដេចទាំងបីជាថ្នាក់ដឹកនាំប្រកបដោយឧត្តមគតិស្នេហាជាតិពិតប្រាកដ ពិសេសសម្ដេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជាដែលបានដឹកនាំកសាង និងការពារប្រទេសជាតិឱ្យមានសន្តិភាព និងការអភិវឌ្ឍពិតប្រាកដ ។
អតីតសមាជិកគណបក្សសមរង្ស៊ី ក៏ដូចជាគណបក្សសង្គ្រោះជាតិរូបនេះ បានអំពាវនាវដល់សមាជិកគណបក្សសមរង្ស៊ី គណបក្សសិទ្ធិមនុស្ស គណបក្សសង្គ្រោះជាតិ និងប្រជាពលរដ្ឋទាំងអស់ សូមឈប់ចាញ់បោកលោក សម រង្ស៊ី និងលោក កឹម សុខា ដែលបច្ចុប្បន្នពួកគេកំពុងតែរួមគ្នាបង្កើតគណបក្សសង្គ្រោះជាតិ បំភាន់បងប្អូនតទៅទៀត។ «សូមបងប្អូនទាំងអស់រួបរួមគ្នាជាមួយគណបក្សប្រជាជនកម្ពុជាគាំទ្រ និងបោះឆ្នោតជូនគណបក្សប្រជាជនកម្ពុជា ដែលជាគណបក្សស្នេហាជាតិ ស្នេហាប្រជាពលរដ្ឋយ៉ាងពិតប្រាកដ» ៕
ចែករំលែកព័តមាននេះ